വെയിൽകായനെത്തിയ വിദേശിയുടെ ഭക്ഷണപാത്രം രുചിക്കാനെത്തി പശു; തുടർന്ന് നടന്നതറിയാൻ മിഴി നട്ട് നെറ്റിസൺസ്... വീഡിയോ കാണാം | Cow
ഇന്ത്യയിൽ താമസിക്കുന്ന ഓസ്‌ട്രേലിയൻ കണ്ടന്റ് സ്രഷ്ടാവ് പങ്കുവച്ച ഒരു വീഡിയോ സോഷ്യൽ മീഡിയയിൽ വൈറലായി തുടരുന്നു(Cow). ഇദ്ദേഹം ഗോവയിൽ സമാധാനപരമായ ഒരു ബീച്ച് ദിനം ആസ്വദിക്കുന്നതിന് ഇടയിൽ അഭിമുഖീകരിച്ച ഒരു സംഭവമാണ് ഓൺലൈനിൽ പങ്കിട്ടത്. ഇൻസ്റ്റാഗ്രാമിൽ 'ദി ഓസ്‌ട്രേലിയൻ ഭായ്' എന്ന ഹാൻഡിൽ കൈകാര്യം ചെയ്യുന്ന ഇദ്ദേഹം തന്നെയാണ് ദൃശ്യങ്ങൾ പങ്കിട്ടത്.
ദൃശ്യങ്ങളിൽ ഓസ്‌ട്രേലിയൻ കണ്ടന്റ് സ്രഷ്ടാവായ 'ഓസ്‌ട്രേലിയൻ ഭായ്' ഒരു പാത്രത്തിൽ ആഹാരവും കൈയിൽ പിടിച്ചുകൊണ്ട് കടൽത്തീരത്തെ ഒരു കുടിലിൽ വിശ്രമിക്കുന്ന രംഗം കാണിക്കുന്നു. ഉടൻ തന്നെ അവിടേക്ക് പ്രതീക്ഷിക്കാതെ അതിഥിയായി ഒരു പശു കടന്നു വന്നു. ആ പശു അദ്ദേഹത്തിന്റെ കയ്യിലിരുന്ന പാത്രം മണക്കാനും രുചിക്കാനും ഭക്ഷിക്കാനും ശ്രമിച്ചു.
ഭാഗ്യവശാൽ, അദ്ദേഹം തന്റെ ഭക്ഷണം കൃത്യസമയത്ത് പിൻവലിച്ചു. ഇതോടെ നിരാശനായി ആ പശു അവിടെ നിന്നും കടന്നു പോകുന്നു. ഈ ദൃശ്യങ്ങൾ കണ്ട ഉപയോക്താക്കൾ വീഡിയോയ്ക്ക് താഴെ പ്രതികരണവുമായി എത്തി. മെയ് മാസത്തിൽ അപ്‌ലോഡ് ചെയ്ത ഇൻസ്റ്റാഗ്രാം റീൽ ഇതിനോടകം ഒരു ലക്ഷത്തിലധികം ലൈക്കുകൾ നേടി മുന്നേറുകയാണ്.