പൂച്ചകളുടെ പെരുമാറ്റം അപകടം വരാനിരിക്കുന്നതിൽ നിന്നും യുവതിയെ രക്ഷിച്ചതിൻ്റെ അവിശ്വസനീയമായ ദൃശ്യങ്ങൾ സോഷ്യൽ മീഡിയയിൽ വൈറലാകുന്നു(Cats). സോഷ്യൽ മീഡിയ പ്ലാറ്റ് ഫോമായ ഇൻസ്റ്റഗ്രാമിൽ @phoenixtv_news എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
ദൃശ്യങ്ങളിൽ, ഒരു ചൈനീസ് സ്ത്രീ ലിവിംഗ് റൂമിലെ സോഫയിൽ ഇരിക്കുന്നത് കാണാം. അവളുടെ ശ്രദ്ധ മുഴുവൻ ഫോണിലാണ്. ലിവിംഗ് റൂമിന്റെ വ്യത്യസ്ത കോണുകളിലായി മൂന്ന് പൂച്ചകൾ ഇരിക്കുന്നതും ദൃശ്യങ്ങളിൽ കാണാം. ടിവി യൂണിറ്റിനടുത്തുള്ള ഒരു പൂച്ചയ്ക്ക് പെട്ടെന്ന് എന്തോ അസാധാരണമായി അനുഭവപ്പെടുന്നു.
എന്താണ് സംഭവിക്കുന്നതെന്ന് മനസ്സിലാക്കാൻ അത് മേശപ്പുറത്ത് കയറുന്നു. മറ്റ് രണ്ട് പൂച്ചകളും അസാധാരണമായ എന്തോ മനസ്സിലാക്കിയതും എല്ലാ പൂച്ചകളും ഓടുന്നു. ടിവിയുടെ പിന്നിൽ നിന്ന് ഒരു വലിയ ടൈൽ വീഴുന്നത് ദൃശ്യങ്ങളിൽ കാണാം.
ടൈൽസ് വീണ നിമിഷങ്ങൾക്കുള്ളിൽ ആ സ്ത്രീയും അവളുടെ പൂച്ചകളും സംഭവസ്ഥലത്ത് നിന്ന് ഓടി രക്ഷപ്പെട്ടു. ദൃശ്യങ്ങൾ പുറത്ത് വന്നതോടെ നെറ്റിസൺസ് അത്ഭുതം ഉളവാക്കുന്ന ദൃശ്യങ്ങളാണിതെന്ന് പ്രതികരിച്ചു.