നെറ്റിസൺസിനെ ഏറെ ഞെട്ടിച്ച ഒരു സി.സി.ടി.വി ദൃശ്യം സോഷ്യൽ മീഡിയയിൽ പങ്കുവയ്ക്കപ്പെട്ടു(Daughter). ഉത്തർപ്രദേശിലെ ഹർദോയ് ജില്ലയിൽ നിന്നും പങ്കുവയ്ക്കപ്പെട്ട ഈ ദൃശ്യത്തിൽ, തന്റെ പിതാവിനോട് മോശമായി പെരുമാറിയെന്ന് ആരോപിച്ച് ഒരു സ്ത്രീ പെട്രോൾ പമ്പ് ജീവനക്കാരന് നേരെ റിവോൾവർ ചൂണ്ടുന്നത് കാണാം. ബിൽഗ്രാം പട്ടണത്തിൽ നിന്ന് രണ്ട് കിലോമീറ്റർ അകലെ ഹർദോയിയിലെ സാൻഡി റോഡിലുള്ള ഒരു എച്ച്പി സിഎൻജി പെട്രോൾ പമ്പിലാണ് സംഭവം നടന്നത്.
ഷഹാബാദിൽ താമസിക്കുന്ന എഹ്സാൻ ഖാനും ഭാര്യയും മകൾ അരിബ ഖാനുമാണ് ദൃശ്യങ്ങളിൽ ഉള്ളതെന്ന് തിരിച്ചറിഞ്ഞിട്ടുണ്ട്. ഇവർ ഇന്ധനം നിറയ്ക്കാൻ എത്തിയപ്പോൾ എഹ്സാൻ ഖാനും പമ്പ് ജീവനക്കാരനായ രജനീഷ് കുമാറും തമ്മിൽ എന്തോ ഒരു വാക്ക് തർക്കത്തെ തുടർന്ന് സംഘർഷമുണ്ടായി. തുടർന്ന് ജീവനക്കാരൻ എഹ്സന്റെ നെഞ്ചിൽ തള്ളി.
അച്ഛനെ തള്ളിയിടുന്നത് കണ്ട് പ്രകോപിതയായ മകൾ ഓടി വന്ന് റിവോൾവർ എടുത്ത് ജീവനക്കാരന്റെ നെഞ്ചിലേക്ക് ചൂണ്ടി. എന്നാൽ സംഭവസ്ഥലത്തുണ്ടായിരുന്നവർ ഉടനടി ഇടപെട്ട്, വെടിയുതിർക്കുന്നതിനുമുമ്പ് സ്ഥിതിഗതികൾ ശാന്തമാക്കി. സംഭവത്തിൽ, പെട്രോൾ പമ്പ് ജീവനക്കാരൻ രജനീഷ് കുമാർ കോട്‌വാലി പോലീസ് സ്റ്റേഷനിൽ ഔദ്യോഗിക പരാതി നൽകിയതായാണ് വിവരം. സി.സി.ടി.വി ദൃശ്യങ്ങൾ പുറത്തു വന്നതോടെ നെറ്റിസൺസ് ശക്തമായി പ്രതിഷേധിച്ചു.