യുണൈറ്റഡ് സ്റ്റേറ്റ്സിലെ (യുഎസ്) ബെർക്ക്‌ലിയിലെ ഈസ്റ്റ് ബേ വിവേറിയ വളർത്തുമൃഗ വിൽപ്പനശാല കേന്ദ്രത്തിൽ അപൂർവമായ രണ്ട് തലയുള്ള പാമ്പ് വിരിഞ്ഞു(double-headed king cobra).
'സെക്കെ', 'ഏഞ്ചൽ' എന്ന് പേരിട്ടിരിക്കുന്ന കാലിഫോർണിയൻ രാജവെമ്പാല സെപ്റ്റംബറിലാണ് വിരിഞ്ഞത്. ഇത്തരത്തിൽ ഒരു പാമ്പ് ജനിക്കാനുള്ള സാധ്യത 1,00,000-ത്തിൽ ഒന്ന് മാത്രമാണ്. അതുകൊണ്ട് തന്നെ ഇവ ആറ് മാസം വരെ ജീവിച്ചിരിക്കാനുള്ള സാധ്യത വളരെ കുറവാണെന്ന് അധികൃതർ പറയുന്നു. ഭ്രൂണത്തിന്റെ അപൂർണ്ണമായ വിഭജനം മൂലമാണ് ഇത്തരത്തിൽ സംഭവിക്കുന്നത്. സെക്കെയുടെയും ഏഞ്ചലിന്റെയും കാര്യത്തിൽ, അവ സംയോജിത നട്ടെല്ലുള്ള ആൺ കാലിഫോർണിയൻ രാജവെമ്പാലകളാണ്.
ഈ പാമ്പുകൾക്ക് ഒരു ശരീരവും ഒറ്റ അവയവങ്ങളുമാണുള്ളത്. എന്നാൽ അവയുടെ തലകൾക്ക്, ഓരോന്നിനും അതിന്റേതായ തലച്ചോറുണ്ട്.
"ഈ ഘട്ടത്തിൽ അവ ജീവിക്കുമെന്ന് ഞങ്ങൾ പ്രതീക്ഷിക്കുന്നു. ഒരു സാധാരണ രാജവെമ്പാല പാമ്പിന്റെ ആയുസ്സ് 20 മുതൽ 30 വർഷം വരെയാണ്. ഇവരും അത്രയും കാലം ഇവിടെ ഉണ്ടാകുമെന്ന് ഞങ്ങൾ കരുതുന്നു. അതുകൊണ്ട് തന്നെ ഇപ്പോൾ ഇതിന്റെ വിൽക്കുന്നതിനെക്കുറിച്ച് ഞങ്ങൾ ചിന്തിച്ചിട്ടില്ല. ഇത് ഒരു കൗതുകകരമായ കാര്യമാണെന്ന് ഞങ്ങൾ കരുതുന്നു. അത് സ്ഥിരതയുള്ളതും ആരോഗ്യകരവുമാണെന്ന് ഉറപ്പാക്കാൻ ഞങ്ങൾ ശ്രമിക്കുകയാണ്." - ഈസ്റ്റ് ബേ വിവേറിയത്തിന്റെ ഉടമ അലക്സ് ബ്ലാഞ്ചെർഡ് പറഞ്ഞു.