പ്രകൃതി രമണീയമായ സ്ഥലങ്ങളിൽ വച്ച് പ്രണയാഭ്യർത്ഥന നടത്തുന്നത് രസകരമായ ഒരു കാര്യമാണ്(waterfall). എന്നും ഓർമ്മിക്കപ്പെടുന്നതുമായിരിക്കും. എന്നാൽ ധീരമായ അത്തരം തീരുമാനങ്ങൾ ജീവൻ തന്നെ അപകടത്തിലാക്കിയാൽ എന്ത് ചെയ്യും? അത്തരത്തിൽ ഒരു വീഡിയോയാണ് ഇപ്പോൾ ഓൺലൈനിൽ ചിരി പടർത്തി മുന്നേറികൊണ്ടിരിക്കുന്നത്. സോഷ്യൽ മീഡിയ പ്ലാറ്റ് ഫോമായ @MarchUnofficial എന്ന ഹാൻഡിലാണ് ദൃശ്യങ്ങൾ പങ്കിട്ടത്.
ജമൈക്കയിലെ ഒച്ചോ റിയോസിലെ ഡൺസ് നദി വെള്ളച്ചാട്ടത്തിന് മുകളിൽ വച്ചാണ് സംഭവം നടന്നത്. ദൃശ്യങ്ങളിൽ, ഒരു പുരുഷൻ തന്റെ സ്ത്രീയെ അത്ഭുതപ്പെടുത്താനായി ഒരു വെള്ളച്ചാട്ടത്തിൽ മുട്ടുകുത്തി വിവാഹാഭ്യർത്ഥന നടത്താൻ ശ്രമിക്കുന്നത് കാണാം.
എന്നാൽ എന്തെങ്കിലും പറയാൻ കഴിയുന്നതിന് മുമ്പ്, അയാൾ വെള്ളച്ചാട്ടത്തിന്റെ മുകളിൽ നിന്ന് വഴുതി താഴേക്ക് വീണു. മനോഹരമായ ഒരു പ്രണയാഭ്യർത്ഥന നിമിഷ നേരം കൊണ്ട് പൊളിഞ്ഞു പോയി. അതേസമയം ആ പുരുഷനെ സുരക്ഷിതമായി രക്ഷപ്പെടുത്തിയതായാണ് റിപ്പോർട്ടുകൾ സൂചിപ്പിക്കുന്നത്. ദൃശ്യങ്ങൾ ഓൺലൈനിൽ ചിരി നിറച്ചെങ്കിലും സുരക്ഷാ ആശങ്കകൾ നെറ്റിസൺസ് ചൂണ്ടിക്കാട്ടി.