ഡൽഹി മെട്രോ വീണ്ടും സോഷ്യൽ മീഡിയയിൽ നിറയുകയാണ്(Delhi Metro). ഈ അടുത്തിടെയായി അനവധി ദൃശ്യങ്ങളാണ് ഡൽഹി മെട്രോയിൽ നിന്നും സോഷ്യൽ മീഡിയയിൽ പ്രചരിച്ചത്. അത്തരത്തിൽ ഒരു പോരാട്ടത്തിന്റെ വീഡിയോയാണ് ഇപ്പോൾ പുറത്തു വരുന്നത്.
വീഡിയോയിൽ ഷർട്ട് ധരിക്കാതെ ശാരീരികമായി പോരാടാൻ തയ്യാറാകുന്ന ഒരു പുരുഷനെയാണ് ആദ്യം കാണാനാവുക. അയാൾ ആക്രമണാത്മകമായി മറ്റൊരു യാത്രക്കാരനെ വഴക്കിനായി ക്ഷണിക്കുകയാണ്. ഈ യാത്രികന്റെ വെള്ള നിറത്തിലുള്ള ഷർട്ട് കീറി പറിഞ്ഞ നിലയിലാണുള്ളത്. പോരാട്ടത്തിനുള്ള ക്ഷണം രൂക്ഷമായപ്പോൾ, മറ്റ് യാത്രക്കാർ സംഭവത്തിൽ ഇടപെട്ടു.
വീഡിയോയിൽ കേട്ടതുപോലെ, ഇരുവരും തമ്മിൽ മുമ്പ് അധിക്ഷേപകരമായ ഒരു തർക്കം നടന്നിരുന്നു എന്ന് വേണം മനസ്സിലാക്കാൻ. ഇൻസ്റ്റാഗ്രാമിൽ 'അഡ്വക്കേറ്റ് ശിവം ഗുപ്ത' എന്ന ഹാൻഡിൽ പങ്കിട്ട ദൃശ്യങ്ങൾ 70,000-ത്തിലധികം ആളുകളിൽ നിന്ന് ലൈക്കുകൾ നേടി.
“മറ്റുള്ളവർ എന്ത് പറഞ്ഞാലും ഒരു ന്യൂയോർക്ക് അണ്ടർഗ്രൗണ്ട് വൈബ് നൽകുന്നു,”
“എപ്പോഴും ഉയരമുള്ളവരെയാണ് പൊക്കം കുറഞ്ഞവർ തോൽപ്പിക്കുന്നത്,”
“ദയവായി ഡൽഹി മെട്രോയെ ന്യൂയോർക്ക് സബ്‌വേയിലേക്ക് മാറ്റരുത്,”
- തുടങ്ങി കമന്റ് സെക്ഷനിൽ, നെറ്റിസൺമാരുടെ പ്രതികരണങ്ങൾ കൊണ്ട് നിറഞ്ഞു.