തായ്‌ലൻഡിലെ ഒരു ദേശീയോദ്യാനത്തിൽ നിന്ന് ഒരു കാട്ടാന വിശന്നുവലഞ്ഞ് ഒരു പലചരക്ക് കടയിലേക്ക് കയറി ചെന്നതിന്റെ ദൃശ്യങ്ങൾ സോഷ്യൽ മീഡിയയിൽ പങ്കുവയ്കപ്പെട്ടു(elephant). വടക്കുകിഴക്കൻ തായ്‌ലൻഡിലെ ഖാവോയായ് ദേശീയോദ്യാനത്തിനടുത്തുള്ള ഒരു പ്രധാന റോഡരികിൽ സ്ഥിതി ചെയ്യുന്ന കടയിലേക്കാണ് കാട്ടാന കയറി ചെന്നത്. സോഷ്യൽ മീഡിയ പ്ലാറ്റ് ഫോമായ ഇൻസ്റ്റാഗ്രാമിൽ 'india today' എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
സംഭവത്തിന്റെ ദൃശ്യങ്ങളിൽ, ലഘുഭക്ഷണ കൗണ്ടറിലേക്ക് ആന വരിവരിയായി നിൽക്കുന്നതും, അവിടെ അലമാരയിൽ നിന്ന് നേരിട്ട് സാധനങ്ങളുടെ സാമ്പിൾ എടുക്കാൻ ശ്രമിക്കുന്നതും കാണാം. വിവരമറിഞ്ഞ് സ്ഥലത്തെത്തിയ ദേശീയോദ്യാനത്തിലെ ജീവനക്കാർ ആനയെ പുറത്തേക്ക് കൊണ്ടുപോകാൻ ശ്രമിച്ചെങ്കിലും ആന പോകാൻ കൂട്ടാക്കിയില്ല. 'പ്ലായി ബിയാങ് ലെക്' എന്നറിയപ്പെടുന്ന ഭീമൻ ആൺ ആനയാണ് അതെന്ന് ദേശീയോദ്യാനത്തിലെ ജീവനക്കാർ തിരിച്ചറിഞ്ഞു. ബഹളത്തിൽ അസ്വസ്ഥനായ ആനയെ ഓടിക്കാൻ നാഷണൽ പാർക്ക് ജീവനക്കാർ ശ്രമിച്ചിട്ടും ആന കൗണ്ടറിലേക്ക് നടന്ന് ലഘുഭക്ഷണങ്ങൾ എടുത്ത് കഴിക്കാൻ തുടങ്ങി. 30 വയസ്സുള്ള ഈ ആനയ്ക്ക് മനുഷ്യവാസ കേന്ദ്രങ്ങൾ പരിചിതമല്ലെന്നും ആന ഒരു പലചരക്ക് കടയിലേക്ക് നടക്കുന്നത് ഇതാദ്യമായാണെന്നും ദേശീയോദ്യാനത്തിലെ ജീവനക്കാർ വ്യക്തമാക്കി.