തിരുവനന്തപുരം: വട്ടിയൂർക്കാവിൽ ഓടിക്കൊണ്ടിരുന്ന സ്കൂൾ ബസിനുള്ളിൽ വിദ്യാർഥിക്ക് കത്തിക്കുത്തേറ്റു. ഒമ്പതാം ക്ലാസ് വിദ്യാർഥിയെയാണ് പ്ലസ് വൺ വിദ്യാർഥി കുത്തിപ്പരിക്കേൽപിച്ചത്. തിരുവനന്തപുരം നെട്ടയത്തെ സ്വകാര്യ സ്കൂൾ വിദ്യാർഥികളാണ് ഇരുവരും. (Stabbing case)
കുത്തേറ്റ വിദ്യാർഥിയെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. മുൻ വൈരാഗ്യമാണ് ആക്രമണത്തിന് കാരണമെന്നാണ് പൊലീസ് കരുതുന്നത്. കുത്തിയ പ്ലസ് വൺ വിദ്യാർഥിയെ പൊലീസ് കസ്റ്റഡിയിലെടുത്തിട്ടുണ്ട്. കത്തിയും കണ്ടെടുത്തു.