തൊടുപുഴ: നടന്‍ ബാബുരാജിനെതിരായി യുവതി നൽകിയ പീഡന പരാതിയില്‍ അന്വേഷണത്തിനായി പ്രത്യേക സംഘത്തെ നിയോഗിച്ചു. പരാതിക്കാരിയെ അടിമാലി പൊലീസ് സ്ഥലത്തെത്തിച്ച് തെളിവെടുപ്പ് നടത്തുന്നതായിരിക്കും.(Sexual assault complaint against actor Baburaj)
നിലവില്‍ ഇവർ സ്ഥലത്തില്ല. പോലീസിൻ്റെ നീക്കം ഉത്തരേന്ത്യയിലുള്ള പരാതിക്കാരിയെ സ്ഥലത്തെത്തിച്ച് തെളിവെടുപ്പ് നടത്താനാണ്. യുവതി നൽകിയ പരാതി തന്നെ ബാബുരാജിൻ്റെ ആലുവയിലെ വീട്ടിലും, റിസോര്‍ട്ടിലും വച്ച് പീഡിപ്പിച്ചെന്നായിരുന്നു.
അടിമാലി പോലീസ് യുവതിയുടെ പരാതിയിൽ കേസ് രജിസ്റ്റർ ചെയ്തിരുന്നു. ഇ മെയിൽ വഴിയാണ് ഇവർ സംസ്ഥാന പോലീസ് മേധാവിക്ക് പരാതി നൽകിയത്. അന്വേഷണ സംഘത്തെ രൂപീകരിച്ചത് തൊടുപുഴ ഡി വൈ എസ് പിയുടെ നേതൃത്വത്തിലാണ്.
ജൂനിയർ ആർട്ടിസ്റ്റ് നൽകിയ പരാതിയിൽ പറയുന്നത് സിനിമയിൽ അവസരം വാഗ്ദാനം ചെയ്ത് ബാബുരാജ് വിളിച്ചുവരുത്തി പീഡിപ്പിച്ചതായാണ്. എന്നാൽ, പെൺകുട്ടി ബാബുരാജിൻ്റെ റിസോർട്ടിലെ മുൻ ജീവനക്കാരി ആണെന്നും, പരാതി കെട്ടിച്ചമച്ചതാണെന്നുമാണ് നടൻ നൽകുന്ന വിശദീകരണം.