തിരുവനന്തപുരം: എഡിഎം നവീന് ബാബു ആത്മഹത്യ കേസുമായി ബന്ധപ്പെട്ട് റവന്യൂ വകുപ്പ് പ്രഖ്യാപിച്ച അന്വേഷണം പൂര്ത്തിയായി (PP Divya). ലാന്ഡ് റവന്യൂ ജോയിന്റ് കമ്മീഷണര് എ. ഗീത തയ്യാറാക്കിയ അന്വേഷണ റിപ്പോര്ട്ട് റവന്യൂ പ്രിന്സിപ്പല് സെക്രട്ടറിക്ക് സമര്പ്പിച്ചു.
എഡിഎം നവീന് ബാബു കൈക്കൂലി വാങ്ങിയതിന് തെളിവുകൾ ഇല്ലെന്ന് അന്വേഷണ റിപ്പോർട്ടിൽ വ്യക്തമാക്കുന്നു. നവീന് ബാബു ചെയ്തത് നിയമപരമായ നടപടികള് മാത്രമാണ്. എന്ഒസി നല്കുന്നതുമായി ബന്ധപ്പെട്ട് കൈക്കൂലി വാങ്ങിയതിന് തെളിവുകളൊന്നുമില്ല. ഫയല് താമസിപ്പിച്ചുവെന്ന ആരോപണം തെറ്റാണ്. ആറ് ദിവസം മാത്രമാണ് പ്രസ്തുത ഫയല് നവീന് ബാബുവിന്റെ പക്കലുണ്ടായിരുന്നത് മുതലായ കാര്യങ്ങളാണ് അന്വേഷണത്തില് കണ്ടെത്തിയത്. എഡിഎമ്മിന്റെ ഭാഗത്തുനിന്ന് വീഴ്ചകൾ വന്നിട്ടില്ല . പരിശോധനകള് നടത്തിയാണ് നവീന് ബാബു മുന്നോട്ടുപോയതെന്ന് അന്വേഷണത്തില് കണ്ടെത്തി.