കോഴിക്കോട്: സിനിമാ സെറ്റില് ഗുണ്ടാ ആക്രമണം. അഞ്ചംഗ സംഘമാണ് ആക്രമണം നടത്തിയത്.(Gangster attack on film set). പ്രൊഡക്ഷന് കണ്ട്രോളര്ക്ക് നേരെയായിരുന്നു ആക്രമണം. ഇന്നലെ രാത്രിയിൽ സംഭവമുണ്ടായത് കോഴിക്കോട്ടെ ഷൂട്ടിങ് സെറ്റില് ആയിരുന്നു. ചിത്രത്തിൻ്റെ ഷൂട്ടിങ് പുരോഗമിക്കുന്നത് കോഴിക്കോട് സിവില് സ്റ്റേഷന് സമീപത്തെ ഇഖ്റ ഹോസ്പിറ്റലിന് എതിര്വശത്തുള്ള സ്ഥലത്താണ്.
ചിത്രത്തിലെ നായകൻ ഷെയ്ൻ നിഗമാണ്. രാത്രി 11 മണിയോടെ സെറ്റിലെത്തിയ അഞ്ചംഗ സംഘം പ്രൊഡക്ഷന് കണ്ട്രോളര് ജിബു ടി ടിയെ ആക്രമിച്ചു. അക്രമത്തിന് കാരണമായത് വാഹനങ്ങള് വാടകയ്ക്ക് നല്കിയതുമായി ബന്ധപ്പെട്ട തര്ക്കമാണ് എന്നാണ് പോലീസ് നൽകുന്ന വിവരം.
ഇയാളെ സാരമായി മർദിച്ച സംഘം കത്തി കൊണ്ട് കുത്തുകയും ചെയ്തു. ജിബു നിലവിൽ ആശുപത്രിയിൽ ചികിത്സയിലാണ്. പ്രതികൾക്കെതിരെ കേസെടുത്തതായും അന്വേഷണം പുരോഗമിക്കുന്നതായും പോലീസ് അറിയിച്ചു.