കാസർകോട്: ജില്ലയിലെ വിവിധ ഭാഗങ്ങളിൽ വിൽപനക്കായി കൊണ്ടുവന്ന 29.4 ഗ്രാം എം.ഡി.എം.എ മഞ്ചേശ്വരം പൊലീസ് പിടികൂടി. ആൾട്ടോ കാറിൽ കടത്തുന്നതിനിടയിൽ പൈവളിക ബായിക്കട്ടയിൽ വെച്ച് മഞ്ചേശ്വരം പൊലീസാണ് ഇത് പിടികൂടിയത്. ബള്ളൂർ സ്വദേശി മുഹമ്മദ് അഷ്‌റഫ് (21), കൊടിബയിൽ സ്വദേശി സയീദ് നവാസ് (30), ബള്ളൂർ സ്വദേശി അഹമ്മദ് ഷമ്മാസ് (20), ബണ്ട്വാൾ സ്വദേശി മുഹമ്മദ് ഇസാഖ് (20) എന്നിവരെയാണ് അറസ്റ്ററ് ചെയ്തത്.
ജില്ല പൊലീസ് മേധാവി ഡി. ശില്പയുടെ മേൽനോട്ടത്തിൽ കാസർകോട് ഡിവൈ.എസ്.പി സി.കെ. സുനിൽ കുമാറിന്റെ നിർദേശപ്രകാരം മഞ്ചേശ്വരം ഇൻസ്പെക്ടർ ടോൾസൺ ജോസഫ്, എസ്.ഐ രതീഷ് ഗോപി, സീനിയർ സിവിൽ പൊലീസ് രാജേഷ് കുമാർ, ഡ്രൈവർ ഷുക്കൂർ, സിവിൽ പൊലീസ് പ്രശോഭ് എന്നിവർ ചേർന്നാണ് പ്രതികളെ പിടികൂടിയത്.