ന്യൂഡൽഹി: ബുരാരി മേഖലയിൽ അനധികൃതമായി പ്രവർത്തിക്കുന്ന പടക്ക ഫാക്ടറിയിലുണ്ടായ സ്‌ഫോടനത്തിൽ അഞ്ച് പേർക്ക് ഗുരുതരമായി പരിക്കേറ്റതായി ഡൽഹി ഫയർ സർവീസ് ഉദ്യോഗസ്ഥൻ അറിയിച്ചു(Factory explosion in Burari). ഇവരിൽ മൂന്ന് പേർക്ക് ഗുരുതരമായി പൊള്ളലേറ്റു, തീ നിയന്ത്രണവിധേയമാക്കാൻ ശ്രമിക്കുന്നതിനിടെ ഒരു ഫയർമാൻ്റെ കൈയിൽ പരിക്കേറ്റതായി ഡിഎഫ്എസ് മേധാവി അതുൽ ഗാർഗ് പറഞ്ഞു. ബുരാരി ഏരിയയിലെ പ്രധാൻ എൻക്ലേവിൽ സ്ഥിതി ചെയ്യുന്ന കെട്ടിടത്തിൻ്റെ താഴത്തെ നിലയിൽ വൈകിട്ട് 4.23 നാണ് തീപിടിത്തമുണ്ടായത്. കെട്ടിടത്തിൽ അനധികൃത പടക്ക നിർമാണ യൂണിറ്റും ഒന്നാം നിലയിൽ താമസ മുറികളുമുണ്ട്," ഗാർഗ് അറിയിച്ചു .