കൊല്ലം: പൂട്ടിക്കിടന്ന വീട്ടിൽ മോഷണം നടത്തിയ പ്രതികൾ പിടിയിലായി. ആശ്രാമം കാവടിപ്പുറത്ത് പുത്തൻകണ്ടത്തിൽവീട്ടിൽ വിഷ്ണു (24), ആശ്രാമം സമൃതിനഗറിൽ കുരുവേലിപടിഞ്ഞാറ്റതിൽ അതുൽ(26) എന്നിവരെയാണ് കൊല്ലം ഈസ്റ്റ് പോലീസ് പിടികൂടിയത്.
ആശ്രാമം ഇ.എസ്.ഐ ഹോസ്പിറ്റലിന്റെ പൂട്ടിക്കിടന്ന ക്വാർട്ടേഴ്സിലായിരുന്നു മോഷണം നടന്നത്. ക്വാർട്ടേഴ്സിന്‍റെ വാതിൽ കുത്തിത്തുറന്ന് വീട്ടുപകരണങ്ങളും പ്ലംബിങ്, വൈദ്യുതിഉപകരണങ്ങൾ എന്നിവ മോഷ്ടിക്കുകയായിരുന്നു. കേസ് രജിസ്റ്റർ ചെയ്ത ഈസ്റ്റ് പൊലീസ് സി.സി.ടി.വി ദൃശ്യങ്ങളടക്കം ശേഖരിച്ചാണ് പ്രതികളെ കണ്ടെത്തിയത്.