തൃശൂർ: വാഹന പരിശോധനക്കിടെ വലയിലായി ബൈക്ക് മോഷ്ടാക്കൾ. ബൈക്ക് മോഷ്ടാക്കളായ തൃശൂർ പട്ടാളം റോഡ് സ്വദേശി മുത്തു (28), മാടക്കത്തറ പനമ്പിള്ളി സ്വദേശി ജാതിക്കപറമ്പിൽ തദ്ദേവൂസ് (19) എന്നിവരെയാണ് പിടികൂടിയത്. തൃശൂർ ഈസ്റ്റ് പൊലീസ് സ്റ്റേഷനിലെ സബ് ഇൻസ്പെക്ടർ സുനിൽ കുമാറും സംഘവും അശ്വനി ജങ്ഷന് സമീപത്ത് വാഹന പരിശോധന നടത്തുന്നതിനിടെയാണ് പ്രതികളെ പിടികൂടിയത്. (Bike thieves)
നവംബർ 26ന് പൂങ്കുന്നം റെയിൽവേസ്റ്റേഷൻ പരിസരത്ത് പാർക്ക് ചെയ്തിരുന്ന പുറനാട്ടുക്കര സ്വദേശിയുടെ ബൈക്കാണ് മോഷ്ടിച്ചത്. സംഭവത്തിൽ ഈസ്റ്റ് പൊലീസ് സ്റ്റേഷനിൽ പരാതി നൽകിയിരുന്നു. നിരവധി സി.സി.ടി.വി ദൃശ്യങ്ങൾ ശേഖരിച്ച് അന്വേഷിക്കുന്നതിനിടെയാണ് പ്രതികൾ കുടുങ്ങിയത്.