ചൊവ്വാഴ്ച ഡെറാഡൂണിലെ ജോളി ഗ്രാൻ്റ് എയർപോർട്ടിൽ സിഐഎസ്എഫ് പരിശോധനയ്ക്കിടെ ഒരു അമേരിക്കൻ പൗരൻ്റെ പക്കൽ നിന്ന് ഒരു സാറ്റലൈറ്റ് ഫോൺ കണ്ടെത്തി(American tourist arrested with Satellite phone).
നിരോധിത സാറ്റലൈറ്റ് ഫോൺ കണ്ടെടുത്തതിന് പിന്നാലെ അമേരിക്കൻ പൗരനെതിരെ കേസെടുത്തിട്ടുണ്ടെന്നും അറസ്റ്റ് ചെയ്തിട്ടുണ്ടെന്നും ഇന്ന് കോടതിയിൽ ഹാജരാക്കുമെന്നും ഡെറാഡൂൺ എസ്പി സിറ്റി പ്രമോദ് കുമാർ പറഞ്ഞു.
ഇ-ടൂറിസ്റ്റ് വിസയിൽ ഇന്ത്യയിലെത്തിയ അമേരിക്കൻ പൗരൻ ഋഷികേശിൽ ഒരു സുഹൃത്തിനൊപ്പം താമസിച്ചു വരികയായിരുന്നു. ജോളി ഗ്രാൻ്റ് എയർപോർട്ടിൽ നിന്ന് ഡൽഹിയിലേക്കുള്ള വിമാനത്തിൽ കയറുന്നതിനിടെ സിഐഎസ്എഫ് നടത്തിയ പരിശോധനയിലാണ് സാറ്റലൈറ്റ് ഫോൺ പിടിച്ചെടുത്തത്. അമേരിക്കൻ പൗരനെ പോലീസും മറ്റ് ഏജൻസികളും ചോദ്യം ചെയ്തുവരികയാണ്.