കൊച്ചി: നടിയെ ആക്രമിച്ച കേസിൽ തുറന്ന കോടതിയിൽ വാദം കേൾക്കണമെന്ന അതിജീവിതയുടെ ആവശ്യം കോടതി തള്ളി. വിചാരണ കോടതിയാണ് ഈ ആവശ്യം തള്ളിയത്.(Actress assault case updates )
തീരുമാനം എറണാകുളം പ്രിൻസിപ്പൽ സെഷൻസ് കോടതിയുടേതാണ്. തുറന്ന കോടതിയിൽ കേസിൻ്റെ അന്തിമ വാദം നടത്തണമെന്ന ആവശ്യം അതിജീവിത ഉന്നയിച്ചത് ഡിസംബർ 12നാണ്.
വിചാരണയുടെ വിവരങ്ങൾ പുറംലോകം അറിയുന്നതിൽ എതിർപ്പില്ലെന്ന് പറഞ്ഞാണ് ഇവർ ഹർജി നൽകിയത്.
വിചാരണ സംബന്ധിച്ച് തനിക്കെതിരെ തെറ്റായ പ്രചാരണം നടക്കുന്നുണ്ടെന്നും, ഇതിൻ്റെ യഥാർത്ഥ വശങ്ങൾ പുറത്തുകൊണ്ടുവരാനായി തുറന്ന കോടതിയിൽ അന്തിമവാദം നടത്തണമെന്നുമാണ് ഹർജിയിൽ പരാമർശിക്കുന്നത്. ഈ ആവശ്യമാണ് കോടതി തള്ളിയത്.