കൊച്ചി/മുംബൈ: ഓഹരി വിപണിയിൽ ലിസ്റ്റ് ചെയ്യാൻ യോഗ്യമായ ഇന്ത്യയിലെ മികച്ച 100 അൺലിസ്റ്റഡ് കമ്പനികളുടെ പ്രഥമ ലിസ്റ്റ് (JM Financial Hurun India Unlisted Gems 2026) പുറത്തിറക്കി. വമ്പൻ വരുമാനവുമായി റിലയൻസ് റീട്ടെയ്ലാണ് പട്ടികയിൽ ഒന്നാമത്. 66,000 കോടി രൂപ വരുമാനമുള്ള മലബാർ ഗോൾഡ് ആൻഡ് ഡയമണ്ട്സ് മൂന്നാം സ്ഥാനത്തെത്തി (Hurun India Unlisted Gems 2026).
2.7 ലക്ഷം കോടി രൂപ വരുമാനമുള്ള റിലയൻസ് റീട്ടെയ്ൽ ഒന്നാം സ്ഥാനത്തും, 83,000 കോടി വരുമാനമുള്ള ഫ്ലിപ്കാർട്ട് രണ്ടാം സ്ഥാനത്തും, മലബാർ ഗോൾഡ് മൂന്നാം സ്ഥാനത്തുമുണ്ട്. പട്ടികയിലുള്ള 100 കമ്പനികൾ ചേർന്ന് 2025-ൽ നേടിയ മൊത്തം വരുമാനം 8.9 ലക്ഷം കോടി രൂപയാണ്. 2023-ൽ ഇത് 6.7 ലക്ഷം കോടി രൂപയായിരുന്നു.
മൊത്ത വരുമാനത്തിന്റെ അടിസ്ഥാനത്തിൽ ടാറ്റ ഇലക്ട്രോണിക്സ്, ടാറ്റ പാസഞ്ചർ ഇലക്ട്രിക് മൊബിലിറ്റി, ജെഎസ്ഡബ്ല്യു 1 എന്നിവയാണ് വേഗത്തിൽ വളരുന്ന കമ്പനികൾ. യഥാർത്ഥ വരുമാനം (EBITDA), ഈ വിഭാഗത്തിൽ റിലയൻസ് റീട്ടെയ്ൽ (22,573 കോടി), അദാനി പ്രോപ്പർട്ടീസ് (11,332 കോടി), സെറോദ ബ്രോക്കിംഗ് (5,664 കോടി) എന്നിവയാണ് ആദ്യ മൂന്ന് സ്ഥാനങ്ങളിൽ.
ഇന്ത്യൻ സമ്പദ്വ്യവസ്ഥയുടെ കാണാപ്പുറങ്ങളിലുള്ള കുതിപ്പിന്റെ അടയാളമാണ് ഈ പട്ടികയെന്ന് ജെഎം ഫിനാൻഷ്യൽ വൈസ് ചെയർമാൻ വിശാൽ കംപാനി പറഞ്ഞു. പുറത്ത് പ്രകടമല്ലാത്ത 25.8 ലക്ഷം കോടി രൂപയുടെ സമാന്തര സമ്പദ്വ്യവസ്ഥയാണ് ഈ കമ്പനികളിലൂടെ വെളിപ്പെടുന്നതെന്ന് ഹൂറുൺ ഇന്ത്യ സ്ഥാപകൻ അനസ് റഹ്മാൻ ജുനൈദ് അഭിപ്രായപ്പെട്ടു.
Story Summary: Reliance Retail, Flipkart, and Malabar Gold & Diamonds have topped the inaugural ‘JM Financial Hurun India Unlisted Gems 2026’ list of the top 100 unlisted companies ready for IPO. Reliance Retail leads with a revenue of ₹2.7 lakh crore, while Malabar Gold secures the third spot with ₹66,000 crore.
