തിരുവനന്തപുരം: വലിയ വിവാദമായ നിയമനത്തട്ടിപ്പ് കേസിൽ അന്വേഷണസംഘമായ ക്രൈംബ്രാഞ്ചിന് ആവശ്യപ്പെട്ട രേഖകൾ കൈമാറി പി എസ് സി. വെള്ളിയാഴ്ച വൈകിട്ടോടെയാണ് പിഎസ്സി ആസ്ഥാനത്തുനിന്ന് രേഖകൾ ക്രൈംബ്രാഞ്ചിന് ഔദ്യോഗികമായി കൈമാറിയത്.(Kerala PSC Hands Over Job Scam Documents To Crime Branch Investigation)
പരീക്ഷയുടെ ചോദ്യപേപ്പർ, ഉത്തര സൂചിക, ഉദ്യോഗാർത്ഥികളുടെ റാങ്ക് പട്ടിക, അഭിമുഖത്തിനായി വിളിക്കപ്പെട്ടവരുടെ വിവരങ്ങൾ, ഓൺസ്ക്രീൻ മാർക്കിങ്ങിന്റെ വിശദാംശങ്ങൾ തുടങ്ങിയ അതീവ നിർണ്ണായകമായ രേഖകളാണ് ക്രൈംബ്രാഞ്ച് കേസ് അന്വേഷണത്തിന്റെ ഭാഗമായി ആവശ്യപ്പെട്ടിരുന്നത്.
അതേസമയം, നിയമന തട്ടിപ്പുമായി ബന്ധപ്പെട്ട മുഴുവൻ രേഖകളും അപേക്ഷകർക്ക് നൽകണമെന്ന സംസ്ഥാന വിവരാവകാശ കമ്മീഷന്റെ ഉത്തരവ് പിഎസ്സി നേരത്തെ തള്ളിയിരുന്നു. ക്രൈംബ്രാഞ്ചിന്റെ ക്രിമിനൽ അന്വേഷണത്തോട് സഹകരിച്ച് പി എസ് സി രേഖകൾ വിട്ടുനൽകുകയായിരുന്നു. ഈ രേഖകൾ വിശദമായി പരിശോധിച്ച ശേഷമായിരിക്കും ക്രൈംബ്രാഞ്ച് കേസിൽ തുടർനടപടികളിലേക്ക് കടക്കുക.
Story Summary
The Kerala Public Service Commission (PSC) has handed over crucial documents requested by the Crime Branch in connection with the controversial job recruitment scam. The documents, including question papers, answer keys, candidate lists, and on-screen marking details, were delivered on Friday evening.
