ഭോപ്പാൽ: മധ്യപ്രദേശിലെ ഛത്തർപൂരിൽ സഹപ്രവർത്തകനുമായി വീഡിയോ കോൾ (Chhatarpur Madhya Pradesh Female Artist Suicide Video Call) ചെയ്യുന്നതിനിടെ 23-കാരിയായ നടി തൂങ്ങിമരിച്ചു. മധ്യപ്രദേശിലെ പ്രാദേശിക കലാരംഗത്ത് സജീവമായിരുന്ന യുവതിയാണ് ഫ്ലാറ്റിൽ വെച്ച് ജീവനൊടുക്കിയത്. അതീവ ഞെട്ടലുണ്ടാക്കുന്ന ഈ സംഭവത്തെക്കുറിച്ച് ഛത്തർപൂർ സിറ്റി പോലീസ് വിശദമായ അന്വേഷണം ആരംഭിച്ചിട്ടുണ്ട്.
യുവതി തന്റെ സഹകലാകാരനുമായി ഫോണിൽ സംസാരിച്ചുകൊണ്ടിരിക്കെ ഇരുവരും തമ്മിൽ കടുത്ത വാക്കുതർക്കമുണ്ടായതായാണ് പോലീസിന്റെ പ്രാഥമിക നിഗമനം. തർക്കം രൂക്ഷമായതോടെ പ്രകോപിതയായ യുവതി, ഫോൺ കോൾ കട്ട് ചെയ്യാതെ തന്നെ മുറിയിലെ ഫാനിൽ കെട്ടിത്തൂങ്ങുകയായിരുന്നുവെന്ന് പോലീസ് വ്യക്തമാക്കുന്നു. വീഡിയോ കോളിൽ യുവതി തൂങ്ങുന്നത് കണ്ട് പരിഭ്രാന്തനായ സുഹൃത്ത് ഉടനടി വിവരം പോലീസിനെയും പ്രദേശവാസികളെയും അറിയിച്ചെങ്കിലും, പോലീസ് സ്ഥലത്തെത്തി വാതിൽ പൊളിച്ച് അകത്തുകടന്നപ്പോഴേക്കും യുവതി മരണപ്പെട്ടിരുന്നു.
സംഭവസ്ഥലത്തുനിന്നും ആത്മഹത്യാക്കുറിപ്പുകളൊന്നും തന്നെ കണ്ടെത്താൻ കഴിഞ്ഞിട്ടില്ലെന്ന് പോലീസ് അറിയിച്ചു. യുവതിയുടെ മൊബൈൽ ഫോൺ പോലീസ് ശാസ്ത്രീയ പരിശോധനകൾക്കായി കസ്റ്റഡിയിലെടുത്തിട്ടുണ്ട്. വീഡിയോ കോൾ ചെയ്ത സഹപ്രവർത്തകനെ പോലീസ് വിശദമായി ചോദ്യം ചെയ്തുവരികയാണ്. ഇവർ തമ്മിൽ പ്രണയബന്ധത്തിലായിരുന്നോ അതോ തൊഴിൽപരമായ തർക്കങ്ങളാണോ ആത്മഹത്യയിലേക്ക് നയിച്ചത് എന്ന കാര്യത്തിൽ അന്വേഷണം പുരോഗമിക്കുകയാണ്. മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി ജില്ലാ ആശുപത്രിയിലേക്ക് മാറ്റി.
Story Summary:
A 23-year-old female artist died by suicide by hanging herself in Madhya Pradesh’s Chhatarpur while on a video call with a male fellow artist. According to the police, a heated argument reportedly broke out between them during the call, leading the woman to take the extreme step. The police broke open the door after being alerted by the co-artist, but she was already dead. Investigation is underway to determine the exact cause of the suicide.
