മുംബൈ: ബോളിവുഡ് സൂപ്പർ താരം ആമിർ ഖാൻ (Aamir Khan) വീണ്ടും വിവാഹിതനായി (Aamir Khan Gauri Marriage Mumbai Bandra). ഫാഷൻ-വെൽനസ് രംഗത്തെ പ്രമുഖയായ ഗൗരി (Gauri) ആണ് വധു. മുംബൈ ബാന്ദ്രയിലുള്ള ആമിർ ഖാന്റെ വസതിയിൽ വെച്ച് ഞായറാഴ്ച അതീവ രഹസ്യമായിട്ടായിരുന്നു വിവാഹ രജിസ്ട്രേഷൻ ചടങ്ങുകൾ നടന്നത്. നീണ്ട 25 വർഷത്തെ സൗഹൃദത്തിനൊടുവിലാണ് ഇരുവരും ഒന്നാകാൻ തീരുമാനിച്ചത്. ആമിർ ഖാന്റെ വിവാഹ ആഘോഷങ്ങളിൽ നിന്നുള്ള മനോഹരമായ നിമിഷങ്ങൾ മുൻ ഇന്ത്യൻ ക്രിക്കറ്റ് താരം ഇർഫാൻ പഠാൻ സോഷ്യൽ മീഡിയയിലൂടെ പുറത്തുവിട്ടതോടെയാണ് വിവരം ലോകമറിഞ്ഞത്.
61-കാരനായ ആമിർ ഖാനും 47-കാരിയായ ഗൗരിയും ഞായറാഴ്ച ഉച്ചയ്ക്ക് 12.45-ഓടെയാണ് ഔദ്യോഗിക വിവാഹരേഖകളിൽ ഒപ്പുവെച്ചത്. പരസ്പരം പങ്കാളിയായി സ്വീകരിച്ചുകൊണ്ടുള്ള പ്രത്യേക പ്രസ്താവന വായിച്ച ശേഷം ആമിർ അതീവ സ്നേഹത്തോടെ ഗൗരിയെ ചുംബിക്കുന്നതും, തുടർന്ന് രജിസ്റ്ററിൽ ഒപ്പുവെച്ച ശേഷം ആവേശപൂർവ്വം കൈകൾ ഉയർത്തി ഗൗരി സന്തോഷം പ്രകടിപ്പിക്കുന്നതും ഇർഫാൻ പഠാൻ പങ്കുവെച്ച വിഡിയോയിൽ വ്യക്തമാണ്. വിവാഹ ഔദ്യോഗിക ചടങ്ങുകൾക്ക് ശേഷം ദമ്പതികൾ ഇരുവരും അതിഥികൾക്ക് മുന്നിൽ ആദ്യമായി ഒന്നിച്ചു നൃത്തം ചെയ്തത് ബന്ധുക്കളും സുഹൃത്തുക്കളും വലിയ കയ്യടികളോടെയാണ് സ്വീകരിച്ചത്.
View this post on Instagram
ബെംഗളൂരു സ്വദേശിയായ ഗൗരി ഫാഷൻ, ബ്യൂട്ടി, വെൽനെസ് മേഖലകളിലാണ് പ്രധാനമായും പ്രവർത്തിക്കുന്നത്. നിലവിൽ മുംബൈയിലാണ് താമസം. കഴിഞ്ഞ രണ്ട് വർഷമായി ഇരുവരും പ്രണയത്തിലായിരുന്നു. തന്റെ 60-ാം ജന്മദിനാഘോഷ വേളയിലായിരുന്നു ആമിർ ഖാൻ ഗൗരിയുമായുള്ള പ്രണയവിവരം ആദ്യമായി പരസ്യമായി വെളിപ്പെടുത്തിയത്.
അടുത്ത സുഹൃത്തുക്കളും അടുത്ത ബന്ധുക്കളും ഉൾപ്പെടെ 150-ഓളം പേർ മാത്രമാണ് ബാന്ദ്രയിലെ വസതിയിൽ നടന്ന ഈ ചടങ്ങിൽ പങ്കെടുത്തത്. മുൻവിവാഹങ്ങൾ വേർപിരിഞ്ഞെങ്കിലും ആമിറുമായി അടുത്ത സൗഹൃദം പുലർത്തുന്ന മക്കളായ ഇറ ഖാൻ, ജുനൈദ് ഖാൻ, ആസാദ് റാവു ഖാൻ എന്നിവരും ഗൗരിയുടെ ആദ്യ വിവാഹത്തിലെ മകനും ഈ സുപ്രധാന ചടങ്ങുകൾക്ക് സാക്ഷിയാകാൻ നേരിട്ടെത്തിയിരുന്നു.
ആമിർ ഖാന്റെ മൂന്നാം വിവാഹമാണിത്. 1986-ൽ റീന ദത്തയെ വിവാഹം ചെയ്ത ആമിറിന് ആ ബന്ധത്തിൽ ഇറ, ജുനൈദ് എന്നീ രണ്ട് മക്കളുണ്ട്. 16 വർഷത്തെ ദാമ്പത്യത്തിന് ശേഷം 2002-ലാണ് ഇരുവരും വേർപിരിഞ്ഞത്. പിന്നീട് 2005-ൽ പ്രശസ്ത സംവിധായിക കിരൺ റാവുവിനെ ആമിർ വിവാഹം കഴിച്ചു. 2001-ൽ ‘ലഗാൻ’ സിനിമയുടെ സെറ്റിൽ വെച്ചായിരുന്നു ഇരുവരും പ്രണയത്തിലാകുന്നത്. തുടർന്ന് 2021-ൽ ഇരുവരും പരസ്പര സമ്മതത്തോടെ വേർപിരിഞ്ഞു. ഈ ബന്ധത്തിലുള്ള മകനാണ് ആസാദ്.
Story Summary: Bollywood superstar Aamir Khan (61) married his longtime friend Gauri (47) in an intimate ceremony at his Bandra residence in Mumbai on Sunday. Former Indian cricketer Irfan Pathan shared videos of the wedding, showing the couple signing the register and sharing a dance. The event was attended by around 150 close guests, including Aamir’s children from previous marriages—Ira, Junaid, and Azad—and Gauri’s son. Gauri, a Bengaluru native, works in the fashion and wellness sector. This marks Aamir Khan’s third marriage.
