ഫിഫ ലോകകപ്പ് പ്രീ-ക്വാർട്ടർ പോരാട്ടത്തിന് മണിക്കൂറുകൾ മാത്രം ബാക്കിനിൽക്കെ, ഇംഗ്ലീഷ് ടീമിന് മെക്സിക്കോയിൽ നിന്ന് ലഭിച്ചത് കടുത്ത ‘ഹോസ്റ്റ് വെൽക്കം’. ഇംഗ്ലണ്ട് ടീം താമസിക്കുന്ന ഹോട്ടലിന് മുന്നിൽ അർദ്ധരാത്രിയിൽ ഒത്തുകൂടിയ നൂറുകണക്കിന് മെക്സിക്കൻ ആരാധകർ ഡ്രംസ്, ട്രംപറ്റ്, പടക്കങ്ങൾ എന്നിവയുമായി വലിയ ബഹളമാണ് ഉണ്ടാക്കിയത് (England Team Hotel Chaos). ഇംഗ്ലീഷ് താരങ്ങളുടെ ഉറക്കം കെടുത്താൻ ലക്ഷ്യമിട്ടായിരുന്നു ആരാധകരുടെ ഈ നീക്കം. ഇക്വഡോറിനെതിരായ മത്സരത്തിന് മുൻപും മെക്സിക്കൻ ആരാധകർ സമാനമായ രീതിയിൽ എതിർ ടീമിനെ അലോസരപ്പെടുത്തിയിരുന്നു.
🚨🚨| Another view of the Mexican supporters outside the England hotel at 2am! 💥pic.twitter.com/t3pw1i549Z
— CentreGoals. (@centregoals) July 5, 2026
അസ്ടെക്ക സ്റ്റേഡിയത്തിലെ ഉയരവും കാലാവസ്ഥയും ഇംഗ്ലീഷ് ടീമിന് വലിയ വെല്ലുവിളിയാണെന്ന് ഇതിനകം തന്നെ ചർച്ചയായിട്ടുണ്ട്. ഇതിനുപുറമെയാണ് ആരാധകരുടെ ഭാഗത്തുനിന്നുള്ള ഇത്തരം സമ്മർദ്ദങ്ങളും. തനിക്ക് തലവേദനയും ഉറക്കമില്ലായ്മയും അനുഭവപ്പെട്ടതായി പരിശീലകൻ തോമസ് ടൂഷൽ സമ്മതിച്ചു. എങ്കിലും, മത്സരത്തിന്റെ ആദ്യ 15-20 മിനിറ്റ് കരുതലോടെ കളിച്ചാൽ ഇംഗ്ലണ്ടിന് വിജയം പിടിച്ചെടുക്കാനാവുമെന്ന് അദ്ദേഹം ആത്മവിശ്വാസം പ്രകടിപ്പിച്ചു. കഴിഞ്ഞ മത്സരത്തിൽ ഇക്വഡോറിനെ തോൽപ്പിച്ചതിന് ശേഷം നടന്ന ആഘോഷങ്ങൾക്കിടയിൽ നാലുപേർ കൊല്ലപ്പെട്ട പശ്ചാത്തലത്തിൽ, മെക്സിക്കോ സിറ്റിയിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്.
എസ്റ്റാഡിയോ അസ്ടെക്കയിൽ മെക്സിക്കോയ്ക്ക് അവിശ്വസനീയമായ റെക്കോർഡാണുള്ളത്. 1966 മുതൽ ഇവിടെ കളിച്ച 89 മത്സരങ്ങളിൽ 70 വിജയങ്ങളും 17 സമനിലകളും അവർ സ്വന്തമാക്കിയിട്ടുണ്ട്. വെറും രണ്ടു തവണ മാത്രമാണ് മെക്സിക്കോ ഇവിടെ പരാജയപ്പെട്ടിട്ടുള്ളത്. ഈ ചരിത്രപരമായ ഹോം അഡ്വാന്റേജ് മെക്സിക്കോയ്ക്ക് വലിയ കരുത്താകുമ്പോൾ, ഇംഗ്ലണ്ടിന് ഇതൊരു കടുപ്പമേറിയ പോരാട്ടമായിരിക്കും.
Summary: England’s preparation for their FIFA World Cup Round of 16 clash against Mexico took a chaotic turn as hundreds of home supporters disrupted the team’s sleep with music, drums, and firecrackers outside their hotel in Mexico City. Coach Thomas Tuchel, who acknowledged the physical toll of the high-altitude environment, has urged his squad to stay focused during the intense opening minutes of the match. With Mexico boasting a formidable record at the historic Azteca Stadium and security tightened following recent post-match violence, the Three Lions face a hostile and challenging environment in their pursuit of a quarterfinal spot.
