ഫിറോസാബാദ്: മുൻ സമാജ്വാദി പാർട്ടി (എസ്പി), കോൺഗ്രസ്, ബിഎസ്പി സർക്കാരുകൾക്കെതിരെ രൂക്ഷവിമർശനവുമായി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. സംസ്ഥാനത്തെ വികസനത്തിലേക്ക് നയിക്കുന്നതിലോ ക്രമസമാധാനം പാലിക്കുന്നതിലോ മുൻ സർക്കാരുകൾ പരാജയപ്പെട്ടുവെന്ന് അദ്ദേഹം കുറ്റപ്പെടുത്തി. ഫിറോസാബാദിൽ വിവിധ വികസന പദ്ധതികളുടെ ഉദ്ഘാടനച്ചടങ്ങിൽ സംസാരിക്കുകയായിരുന്നു അദ്ദേഹം.(Yogi Adityanath slams opposition over governance and inaugurates projects in Firozabad)
“മുൻ സർക്കാരുകൾ ജനങ്ങളെ ഭിന്നിപ്പിക്കാനും കുറ്റവാളികളെ പ്രോത്സാഹിപ്പിക്കാനുമാണ് ശ്രമിച്ചത്. എന്നാൽ നിലവിലെ ബിജെപി സർക്കാർ യുപിയെ മാഫിയകളിൽ നിന്നും അരാജകത്വത്തിൽ നിന്നും മോചിപ്പിക്കുകയും വികസനത്തിന്റെയും ക്ഷേമത്തിന്റെയും പാതയിലേക്ക് നയിക്കുകയുമാണ്,” ആദിത്യനാഥ് പറഞ്ഞു.
ഫിറോസാബാദിൽ 658 കോടിയിലധികം രൂപയുടെ 81 വികസന പദ്ധതികളുടെ ഉദ്ഘാടനവും തറക്കല്ലിടലും മുഖ്യമന്ത്രി നിർവഹിച്ചു. ഭരണകാലത്ത് വികസനം നടപ്പിലാക്കുന്നതിനേക്കാൾ സ്വന്തം താല്പര്യങ്ങൾക്കായിരുന്നു മുൻ ഭരണാധികാരികൾ മുൻഗണന നൽകിയതെന്ന് അദ്ദേഹം ആരോപിച്ചു. സംസ്ഥാനത്തെ സമഗ്രമായ വികസനമാണ് ബിജെപി ലക്ഷ്യമിടുന്നതെന്നും അടിസ്ഥാന സൗകര്യ വികസനത്തിലൂടെ ജനജീവിതം മെച്ചപ്പെടുത്താൻ സർക്കാർ പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേർത്തു.
Story Summary
Uttar Pradesh Chief Minister Yogi Adityanath launched developmental projects worth over Rs 658 crore in Firozabad, while heavily criticizing the previous SP, Congress, and BSP regimes. He claimed that while past administrations fostered division and criminality, the current BJP government has successfully established law and order and prioritized statewide welfare and infrastructure development.
