ന്യൂഡൽഹി: കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് കോക്രോച്ച് ജനതാ പാർട്ടി (CJP) പ്രതിഷേധം കടുപ്പിക്കുന്നു (Cockroach Janata Party CJP). ഒരാഴ്ചയ്ക്കകം കേന്ദ്രമന്ത്രി രാജി സമർപ്പിക്കാൻ തയ്യാറായില്ലെങ്കിൽ നിലവിലെ സമരം രാജ്യവ്യാപകമാക്കുമെന്ന് സിജെപി നേതാവ് അഭിജിത് ദിപ്കെ ശക്തമായ മുന്നറിയിപ്പ് നൽകി.
കഴിഞ്ഞ ദിവസം ഡൽഹി ജന്തർ മന്ദിറിൽ തങ്ങൾ നടത്തിയ വൻ പ്രതിഷേധം വെറുമൊരു ‘ട്രെയിലർ’ മാത്രമാണെന്നും, യുവാക്കൾ ഒന്നിച്ച് അണിനിരന്നാൽ എന്താണ് സംഭവിക്കുകയെന്ന് കേന്ദ്ര സർക്കാരിന് കൃത്യമായി കാണിച്ചുകൊടുത്തിട്ടുണ്ടെന്നും അദ്ദേഹം തന്റെ എക്സ് (X) ഹാൻഡിലിൽ കുറിച്ചു. രാജ്യത്തെ നിലവിലെ വിദ്യാഭ്യാസ സമ്പ്രദായത്തോടുള്ള കടുത്ത നിരാശയും ദേഷ്യവുമാണ് ഇത്രയധികം ജനങ്ങളെ തെരുവിൽ ഇറങ്ങാൻ പ്രേരിപ്പിച്ചതെന്നും അദ്ദേഹം കൂട്ടിച്ചേർത്തു.
തികച്ചും സമാധാനപരമായ രീതിയിൽ മുന്നോട്ട് പോകുന്ന ഈ ജനകീയ പ്രതിഷേധത്തെ അടിച്ചമർത്താൻ കേന്ദ്ര സർക്കാരിന് കഴിയില്ല. ഒന്നിച്ച് അണിനിരക്കുന്ന കാലത്തോളം “പാറ്റകൾക്ക്” (പ്രവർത്തകർക്ക്) ആരെയും ഭയപ്പെടേണ്ടതില്ലെന്നും, ലക്ഷ്യം കാണും വരെ ശക്തമായ സമരപരിപാടികളുമായി മുന്നോട്ട് പോകുമെന്നും അഭിജിത്ത് ദിപ്കെ വ്യക്തമാക്കി.
Story Summary: The Cockroach Janata Party (CJP), led by Abhijit Dipke, has intensified protests demanding the resignation of Union Education Minister Dharmendra Pradhan. Dipke warned on X (formerly Twitter) that if the minister does not resign within a week, the peaceful protests, which recently saw gatherings at Jantar Mantar, will expand nationwide.
