കോഴിക്കോട്: കനത്ത മഴയ്ക്കിടെ നിയന്ത്രണം വിട്ട ആംബുലൻസ് റോഡിൽ തെന്നിമറിഞ്ഞ് ചികിത്സയ്ക്കായി കൊണ്ടുപോയ വയോധിക മരിച്ചു (Kozhikode ambulance accident). പെരിങ്ങളം സ്വദേശിനി ജാനകി (82) ആണ് അപകടത്തിൽ മരണപ്പെട്ടത്. വാഹനത്തിലുണ്ടായിരുന്ന ജാനകിയുടെ മകൾക്കും മകളുടെ ഭർത്താവിനും അപകടത്തിൽ പരിക്കേറ്റിട്ടുണ്ട്. ശ്വാസംമുട്ടലും കടുത്ത നെഞ്ചുവേദനയും അനുഭവപ്പെട്ടതിനെ തുടർന്ന് ജാനകിയെ അടിയന്തരമായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുന്നതിനിടെയാണ് ദുരന്തം സംഭവിച്ചത്. പുലർച്ചെ 1.20 ഓടെ കോട്ടാംപറമ്പിൽ വെച്ചായിരുന്നു അപകടം. പെയ്ത കനത്ത മഴയിൽ റോഡിലെ വഴുക്കൽ കാരണം ആംബുലൻസ് പെട്ടെന്ന് നിയന്ത്രണം തെറ്റി റോഡിലേക്ക് മറിയുകയായിരുന്നു. പരിക്കേറ്റവരെ ഉടൻ തന്നെ ആശുപത്രിയിൽ പ്രവേശിപ്പിച്ചു.
Story Summary: An 82-year-old woman named Janaki died after an ambulance carrying her turned over amid heavy rains in Kozhikode. The victim was being rushed to the Medical College Hospital due to chest pain when the vehicle skidded and crashed at Kottamparamba, injuring her daughter and son-in-law.
