തിരുവനന്തപുരം: സംസ്ഥാനത്തെ പ്ലസ് വൺ പ്രവേശനത്തിനുള്ള സീറ്റ് പ്രതിസന്ധി പരിഹരിക്കാൻ നിർണായക തീരുമാനവുമായി സർക്കാർ (Kerala Plus One admission 2026 application last date). വിവിധ ജില്ലകളിലായി പ്ലസ് വണ്ണിന് അധിക സീറ്റുകളും ബാച്ചുകളും അനുവദിക്കാൻ വിദ്യാഭ്യാസ വകുപ്പ് തീരുമാനിച്ചു. മലബാർ മേഖല ഉൾപ്പെടെയുള്ള ഒൻപത് ജില്ലകളിലാണ് പ്രധാനമായും സീറ്റുകൾ വർദ്ധിപ്പിച്ചത്. ഇതിൽ ഏഴ് ജില്ലകളിൽ 30 ശതമാനവും രണ്ട് ജില്ലകളിൽ 20 ശതമാനവും സീറ്റുകൾ കൂട്ടിയിട്ടുണ്ട്. കൂടാതെ എയ്ഡഡ് സ്കൂളുകളിൽ പൊതുവായി 20 ശതമാനം സീറ്റ് വർദ്ധനവും അനുവദിച്ചു.
അതിനിടെ, സംസ്ഥാനത്തെ പ്ലസ് വൺ പ്രവേശനത്തിനുള്ള ഔദ്യോഗിക നടപടികൾക്ക് തുടക്കമായിട്ടുണ്ട്. ‘ഹയർ സെക്കൻഡറി സിംഗിൾ വിൻഡോ’ (ഏകജാലക സംവിധാനം) വഴി വിദ്യാർത്ഥികൾക്ക് ഓൺലൈനായി അപേക്ഷകൾ സമർപ്പിക്കാം.
അപേക്ഷ സമർപ്പിക്കേണ്ട അവസാന തീയതി: അടുത്ത മാസം (ജൂൺ) മൂന്നാം തീയതി വരെ.
ട്രയൽ അലോട്ട്മെന്റ് (Trial Allotment): ജൂൺ 8-ന് പ്രസിദ്ധീകരിക്കും.
ക്ലാസുകൾ ആരംഭിക്കുന്നത്: ജൂലൈ 2 മുതൽ പ്ലസ് വൺ ക്ലാസുകൾ ഔദ്യോഗികമായി ആരംഭിക്കും.
ഇത്തവണ സംസ്ഥാനത്ത് റെക്കോർഡ് വിജയമാണ് എസ്എസ്എൽസി പരീക്ഷയിൽ രേഖപ്പെടുത്തിയത്. ആകെ 4,10,456 വിദ്യാർത്ഥികളാണ് ഉപരിപഠനത്തിന് അർഹത നേടിയത്. ഉയർന്ന വിജയം കാരണം മലബാർ മേഖലകളിൽ ഉൾപ്പെടെ സീറ്റ് ക്ഷാമം രൂക്ഷമാകുമെന്ന വിലയിരുത്തലിനെ തുടർന്നാണ് പ്രവേശന നടപടികളുടെ തുടക്കത്തിൽ തന്നെ സീറ്റുകൾ വർദ്ധിപ്പിച്ച് മുൻകൂട്ടി ഉത്തരവിറക്കാൻ സർക്കാർ തയ്യാറായത്. ഹയർ സെക്കൻഡറി അഡ്മിഷൻ വെബ്സൈറ്റ് വഴി വിദ്യാർത്ഥികൾക്ക് ഇപ്പോൾ അപേക്ഷകൾ നൽകിത്തുടങ്ങാം.
Story Summary: The Kerala government has approved additional seats for Plus One admission 2026, increasing seats by 30% in 7 districts and 20% in 2 districts. Single window online registration has started, with the deadline on June 3 and classes commencing on July 2.
