ദുബൈ: യുഎഇയിലെ ഫെഡറൽ ഗവൺമെന്റ് സ്ഥാപനങ്ങളിൽ ജോലി ചെയ്യുന്നവർക്കുള്ള ബലിപെരുന്നാൾ (ഈദുൽ അദ്ഹ) അവധി പ്രഖ്യാപിച്ചു (UAE Eid Al Adha Holidays 2026). മെയ് 25 തിങ്കളാഴ്ച മുതൽ മെയ് 29 വെള്ളിയാഴ്ച വരെയാണ് ഔദ്യോഗിക അവധി. മെയ് 25 (തിങ്കൾ) മുതൽ മെയ് 29 (വെള്ളി) വരെയാണ് സർക്കാർ പ്രഖ്യാപിച്ച അവധി. ഇതിന് മുൻപും ശേഷവുമുള്ള ശനി, ഞായർ വാരാന്ത്യ ദിനങ്ങൾ കൂടി ചേരുമ്പോൾ മൊത്തം 9 ദിവസം (മെയ് 23 മുതൽ മെയ് 31 വരെ) തുടർച്ചയായി അവധി ലഭിക്കും.
അവധിക്ക് ശേഷം ജൂൺ 1 തിങ്കളാഴ്ചയായിരിക്കും സർക്കാർ ഓഫീസുകൾ വീണ്ടും തുറന്ന് പ്രവർത്തിക്കുകയെന്ന് ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് (FAHR) അറിയിച്ചു.ജ്യോതിശാസ്ത്ര കണക്കുകൾ പ്രകാരം ഇത്തവണത്തെ ബലിപെരുന്നാൾ മെയ് 27 ബുധനാഴ്ച ആകാനാണ് സാധ്യതയെന്ന് എമിറേറ്റ്സ് അസ്ട്രോണമിക്കൽ സൊസൈറ്റി സൂചിപ്പിച്ചു.
ദുൽഹിജ്ജ മാസപ്പിറവി നിരീക്ഷിക്കുന്നതിനായി മെയ് 17 ഞായറാഴ്ച ദുബൈ ഇസ്ലാമിക് അഫയേഴ്സ് വകുപ്പിന്റെ നേതൃത്വത്തിൽ പ്രത്യേക യോഗം ചേരും. ഇതിന് ശേഷമായിരിക്കും പെരുന്നാൾ തിയതിയിൽ അന്തിമ സ്ഥിരീകരണം ഉണ്ടാകുക.
യുഎഇയിലെ സ്വകാര്യ മേഖലയിലെ അവധി സംബന്ധിച്ച പ്രഖ്യാപനം ഉടൻ ഉണ്ടായേക്കുമെന്നാണ് റിപ്പോർട്ടുകൾ.
News Summary: The UAE Federal Authority for Government Human Resources (FAHR) has announced the Eid Al Adha holidays for government employees. The official break starts from Monday, May 25, to Friday, May 29. Including the weekends before and after, government staff will enjoy a continuous nine-day holiday from May 23 to May 31. Offices will resume work on Monday, June 1. According to astronomical calculations, Eid Al Adha is likely to fall on Wednesday, May 27, though final confirmation depends on the moon sighting scheduled for Sunday, May 17.
