കൊച്ചി: തെന്നിന്ത്യൻ സൂപ്പർ താരം സൂര്യക്കൊപ്പമുള്ള ഹൃദ്യമായ നിമിഷങ്ങൾ പങ്കുവെച്ച് മലയാളത്തിന്റെ പ്രിയ താരം സൗബിൻ ഷാഹിർ (Soubin Shahir Suriya Photo). തനിക്കും ഭാര്യ ജാമിയയ്ക്കും ഇത് അവിസ്മരണീയമായൊരു കൂടിക്കാഴ്ചയായിരുന്നുവെന്ന് സൗബിൻ ഇൻസ്റ്റാഗ്രാമിൽ കുറിച്ചു. സൂര്യയുടെ കടുത്ത ആരാധകനായ സൗബിന്റെ പോസ്റ്റ് ഇതിനോടകം വൈറലായിക്കഴിഞ്ഞു. സൂര്യയുടെ കരിയറിലെ ഏറ്റവും വലിയ ഹിറ്റുകളിലൊന്നായ ‘വാരണം ആയിരം’ എന്ന ചിത്രത്തിലെ പ്രശസ്തമായ “ഹായ് മാലിനി, നാൻ കൃഷ്ണൻ” എന്ന ഡയലോഗ് ചേർത്താണ് സൗബിൻ ചിത്രം പങ്കുവെച്ചത്.
സൂര്യയോടുള്ള തന്റെ വലിയ ആരാധനയും സ്നേഹവും വ്യക്തമാക്കുന്നതായിരുന്നു സൗബിന്റെ വാക്കുകൾ. താരത്തിന്റെ ലാളിത്യത്തെയും സ്നേഹത്തെയും കുറിച്ച് സൗബിൻ വാചാലനായി.നടനായും ‘പറവ’ എന്ന ചിത്രത്തിലൂടെ സംവിധായകനായും കൈയടി നേടിയ സൗബിൻ ഇപ്പോൾ തമിഴകത്തും സജീവമാണ്. സൂപ്പർ താരം രജനികാന്തിനൊപ്പം ‘കൂലി’ എന്ന ചിത്രത്തിലൂടെയാണ് സൗബിൻ തമിഴിൽ അരങ്ങേറ്റം കുറിച്ചത്. ലോകേഷ് കനകരാജ് സംവിധാനം ചെയ്യുന്ന ഈ ചിത്രത്തിലെ സൗബിന്റെ കഥാപാത്രത്തെക്കുറിച്ചും പാട്ടുകളെക്കുറിച്ചും (പ്രത്യേകിച്ച് ‘മോണിക്ക’ എന്ന ഗാനം) വലിയ ചർച്ചകൾ നടന്നിരുന്നു.
മലയാളം കടന്ന് തമിഴ് സിനിമാ ലോകത്തും സൗബിൻ തന്റെ സ്ഥാനം ഉറപ്പിക്കുമ്പോൾ, സൂര്യയുമായുള്ള ഈ പുതിയ ചിത്രം ഏതെങ്കിലും സിനിമയുടെ ഭാഗമായുള്ള കൂടിക്കാഴ്ചയാണോ എന്ന ആകാംക്ഷയിലാണ് സിനിമാ പ്രേമികൾ.
View this post on Instagram
Story Summary: Malayalam actor-director Soubin Shahir shared a photo with Tamil superstar Suriya and his wife Jamia Shahir on social media. Referencing the iconic dialogue “Hai Malini, Naan Krishnan” from Suriya’s film Vaaranam Aayiram, Soubin expressed his admiration for the star. Soubin recently made his Tamil debut in Rajinikanth’s Coolie, directed by Lokesh Kanagaraj.
