വിശാഖപട്ടണം: ആന്ധ്രാപ്രദേശിന്റെ വ്യാവസായിക നഗരമായ വിശാഖപട്ടണത്തെ ലോകത്തിലെ തന്നെ പ്രധാനപ്പെട്ട എഐ ഹബ്ബാക്കി മാറ്റുന്ന പദ്ധതിക്ക് ഇന്ന് ഔദ്യോഗികമായി തുടക്കമായി (Google AI Hub Visakhapatnam). എയർടെല്ലിന്റെ ‘നെക്സ്ട്ര’ (Nxtra), അദാനി കണക്സ് എന്നിവയുമായി സഹകരിച്ചാണ് ഗൂഗിൾ ഈ ഗിഗാവാട്ട് ഇക്കോസിസ്റ്റം നിർമ്മിക്കുന്നത്.
നെക്സ്ട്രയുടെ ലോകോത്തര ഡാറ്റാ സെന്ററുകൾ, ഇന്ത്യയിലുടനീളമുള്ള അൾട്രാ ലോ-ലേറ്റൻസി ഫൈബർ നെറ്റ്വർക്ക്, ഹരിതോർജ്ജ സംവിധാനങ്ങൾ എന്നിവ ഈ ഹബ്ബിനായി പ്രയോജനപ്പെടുത്തും. പരിസ്ഥിതി സൗഹൃദമായ ഊർജ്ജസ്രോതസ്സുകൾ ഉപയോഗിച്ചാകും ഈ വലിയ ഡാറ്റാ സെന്റർ സമുച്ചയം പ്രവർത്തിക്കുക.
അടുത്ത തലമുറ കേബിൾ ലാൻഡിംഗ് സ്റ്റേഷനുകൾ കൂടി ഉൾപ്പെടുന്നതോടെ ലോകത്തെവിടെ നിന്നും അതിവേഗത്തിൽ വിവരങ്ങൾ കൈമാറാൻ ഈ ഹബ്ബിന് സാധിക്കും.
ഇന്ത്യയുടെ ഡിജിറ്റൽ സ്വപ്നങ്ങൾക്ക് ഈ പങ്കാളിത്തം കരുത്തുപകരുമെന്ന് ഭാരതി എയർടെൽ എക്സിക്യൂട്ടീവ് വൈസ് ചെയർമാൻ ഗോപാൽ വിത്തൽ പറഞ്ഞു. വിശാഖപട്ടണം ആഗോള എഐ കേന്ദ്രമായി മാറുന്നതോടെ നൂതനത്വത്തിലും സുസ്ഥിര വളർച്ചയിലും ഇന്ത്യ ലോകത്തിന് മാതൃകയാകുമെന്നും അദ്ദേഹം കൂട്ടിച്ചേർത്തു.
കേന്ദ്രമന്ത്രി അശ്വിനി വൈഷ്ണവ്, ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു, ഐടി മന്ത്രി എൻ. ലോകേഷ്, ഗൂഗിൾ ക്ലൗഡ് വിപി ബികാഷ് കോലെ, അദാനി ഗ്രൂപ്പ് ഡയറക്ടർമാരായ ജീത് അദാനി, ശ്രീ കരൺ തുടങ്ങിയ പ്രമുഖർ ചടങ്ങിൽ പങ്കെടുത്തു.
Story Summary: Google has laid the foundation stone for a major AI hub in Visakhapatnam, Andhra Pradesh, marking one of its largest investments in India. Partnering with Airtel’s Nxtra and AdaniConnex, the project aims to build a gigawatt-scale AI ecosystem leveraging world-class data centers, green energy, and ultra-low-latency fiber. The event was attended by Union Minister Ashwini Vaishnaw, CM N. Chandrababu Naidu, and top executives from Google, Airtel, and Adani Group.
