കൊല്ലം: തെന്മല ഡാം ജംഗ്ഷന് സമീപമുള്ള വനത്തിനുള്ളിൽ മനുഷ്യന്റെ തലയോട്ടിയും അസ്ഥികൂടാവശിഷ്ടങ്ങളും കണ്ടെത്തി. ഡാം ജംഗ്ഷനിലെ ഉന്നതിയോട് ചേർന്ന വനഭാഗത്താണ് അവശിഷ്ടങ്ങൾ കാണപ്പെട്ടത്. വിറക് ശേഖരിക്കാനായി വനത്തിനുള്ളിൽ പോയ സ്ത്രീകളാണ് അസ്ഥികൂടം ആദ്യം കണ്ടത്.(Skeleton found in Thenmala forest, police starts investigation )
അസ്ഥികൂടത്തിന് സമീപത്തുനിന്ന് പുരുഷൻ്റേതെന്ന് കരുതുന്ന വസ്ത്രങ്ങൾ, ചെരുപ്പ് എന്നിവ കണ്ടെത്തിയിട്ടുണ്ട്. കൂടാതെ മരത്തിൽ ദ്രവിച്ചുപോയ ഒരു കയറിന്റെ അവശിഷ്ടവും പോലീസ് കണ്ടെടുത്തു. വസ്ത്രങ്ങളും കയറും കണ്ടെത്തിയ സാഹചര്യത്തിൽ ഇത് ആത്മഹത്യയാണോയെന്നാണ് സംശയിക്കുന്നത്.
