കൊൽക്കത്ത: പശ്ചിമ ബംഗാൾ നിയമസഭാ തെരഞ്ഞെടുപ്പിന്റെ പശ്ചാത്തലത്തിൽ സംസ്ഥാനത്ത് ഇരുചക്ര വാഹനങ്ങൾക്ക് കർശന നിയന്ത്രണങ്ങൾ ഏർപ്പെടുത്തി (West Bengal Assembly Election 2026). തെരഞ്ഞെടുപ്പിന്റെ ആദ്യഘട്ടം സുഗമമായി നടത്തുന്നതിനായി ക്രമസമാധാന പാലനം മുൻനിർത്തിയാണ് തെരഞ്ഞെടുപ്പ് കമ്മീഷന്റെ പുതിയ ഉത്തരവ്. വോട്ടെടുപ്പ് നടക്കുന്ന മണ്ഡലങ്ങളിൽ അക്രമസംഭവങ്ങൾ തടയുക എന്നതാണ് ഇതിന്റെ പ്രധാന ലക്ഷ്യം.
ഏപ്രിൽ 22, 23 തീയതികളിൽ രാത്രി 6 മണി മുതൽ രാവിലെ 6 മണി വരെ ഇരുചക്രവാഹനങ്ങൾ പുറത്തിറക്കാൻ പാടില്ല. സംസ്ഥാനത്ത് ബൈക്ക് റാലികൾ പൂർണ്ണമായും നിരോധിച്ചു. വോട്ടർമാരെ സ്വാധീനിക്കുന്നതിനോ ഭയപ്പെടുത്തുന്നതിനോ ബൈക്ക് സംഘങ്ങൾ എത്തുന്നത് തടയാനാണിത്.
ഏപ്രിൽ 23-ന് കുടുംബാംഗങ്ങളെ വോട്ട് ചെയ്യാൻ പോളിങ് സ്റ്റേഷനിൽ എത്തിക്കുന്നതിനായി മാത്രമാണ് ബൈക്കുകളിൽ പിൻസീറ്റ് യാത്ര (Pillion riding) അനുവദിക്കുക. മറ്റ് അത്യാവശ്യ മെഡിക്കൽ സേവനങ്ങൾക്കും ഇളവ് ബാധകമാണ്.
ആദ്യഘട്ടത്തിൽ 152 മണ്ഡലങ്ങളിലാണ് ഏപ്രിൽ 23-ന് വോട്ടെടുപ്പ് നടക്കുന്നത്. രണ്ടാം ഘട്ടം ഏപ്രിൽ 29-ന് നടക്കും. സുതാര്യമായ വോട്ടെടുപ്പ് ഉറപ്പാക്കാൻ ലക്ഷക്കണക്കിന് കേന്ദ്ര സേനാംഗങ്ങളെയാണ് ബംഗാളിലുടനീളം വിന്യസിച്ചിരിക്കുന്നത്. സംഘർഷ സാധ്യതയുള്ള ബൂത്തുകളിൽ പ്രത്യേക നിരീക്ഷണവും ഏർപ്പെടുത്തിയിട്ടുണ്ട്.
Story Summary: The Election Commission has tightened restrictions in West Bengal ahead of the first phase of assembly elections on April 23. A ban on two-wheelers has been imposed from 6 PM to 6 AM on April 22 and 23 across 152 constituencies. Bike rallies are strictly prohibited, with exemptions only for medical emergencies and transporting family members to polling stations.
