Follow on Google News
പൂനെ : ലോഡ്ജ് കേന്ദ്രീകരിച്ച് പെൺവാണിഭം നടത്തിയ സംഘം പിടിയിൽ (Pimpri Chinchwad Prostitution Raid). പുണെ പിംപ്രി-ചിഞ്ച്വാഡ് പോലീസിന്റെ ആന്റി ഹ്യൂമൻ ട്രാഫിക്കിംഗ് സെൽ (AHTU) ചിക്കാലി (Chikhali) മേഖലയിലെ ഒരു ലോഡ്ജിൽ നടത്തിയ മിന്നൽ പരിശോധനയിലാണ് പെൺവാണിഭ സംഘം കുടുങ്ങിയത്. സംഭവവുമായി ബന്ധപ്പെട്ട് 9 യുവതികളെ പോലീസ് മോചിപ്പിച്ചു. ചിക്കാലിയിലെ ഒരു പ്രമുഖ ലോഡ്ജിൽ നിയമവിരുദ്ധ പ്രവർത്തനങ്ങൾ നടക്കുന്നുണ്ടെന്ന രഹസ്യ വിവരത്തെത്തുടർന്നാണ് പോലീസ് പരിശോധന നടത്തിയത്. ഡെക്കോയ് കസ്റ്റമറെ (Decoy Customer) അയച്ച് വിവരം സ്ഥിരീകരിച്ച ശേഷമായിരുന്നു റെയ്ഡ്.
ലോഡ്ജിൽ നിന്ന് ആകെ 9 യുവതികളെ പോലീസ് മോചിപ്പിച്ചു. ഇതിൽ ബംഗ്ലാദേശിൽ നിന്ന് കടത്തിക്കൊണ്ടുവന്ന ഒരു യുവതിയും ഉൾപ്പെടുന്നുണ്ടെന്നാണ് പ്രാഥമിക റിപ്പോർട്ട്. പെൺവാണിഭ സംഘത്തെ നയിച്ചിരുന്ന ഏജന്റുമാരെയും ലോഡ്ജ് ജീവനക്കാരെയും പോലീസ് കസ്റ്റഡിയിലെടുത്തു. ഇവർക്കെതിരെ പിറ്റ (PITA – Immoral Traffic Prevention Act) നിയമപ്രകാരം കേസെടുത്തു.
വിദേശത്തുനിന്നും ഇതര സംസ്ഥാനങ്ങളിൽ നിന്നും യുവതികളെ ജോലിയെന്ന വ്യാജേന എത്തിച്ച് പെൺവാണിഭത്തിന് നിർബന്ധിക്കുകയായിരുന്നുവെന്ന് പോലീസ് കണ്ടെത്തി. മോചിപ്പിക്കപ്പെട്ട യുവതികളെ പുനരധിവാസ കേന്ദ്രത്തിലേക്ക് മാറ്റി. പിംപ്രി-ചിഞ്ച്വാഡ് പോലീസ് കമ്മീഷണറുടെ നിർദ്ദേശപ്രകാരം മേഖലയിലെ ലോഡ്ജുകളിലും സ്പാകളിലും പരിശോധന കർശനമാക്കിയിട്ടുണ്ട്.
