Follow on Google News
സേലം: തമിഴ്നാട്ടിലെ ഓമലൂർ സർക്കാർ സ്കൂളിൽ സഹപ്രവർത്തകരെയും വിദ്യാർത്ഥികളെയും സാക്ഷിയാക്കി അധ്യാപികയെ ഭർത്താവ് വെട്ടിക്കൊന്നു. തിണ്ടമംഗലം സ്വദേശി ശ്രീവിദ്യ (44) ആണ് കൊല്ലപ്പെട്ടത്. കൃത്യത്തിന് ശേഷം പ്രതി വിജയമുരുകൻ തന്റെ മൂന്ന് വയസ്സുള്ള മകളുമായി സംഭവസ്ഥലത്തുനിന്ന് ഓടിരക്ഷപ്പെട്ടു.
സംഭവത്തെക്കുറിച്ച് പോലീസ് പറയുന്നത് ഇങ്ങനെ…
ഓമലൂർ സർക്കാർ സ്കൂളിൽ അധ്യാപികയായിരുന്ന ശ്രീവിദ്യയും ഭർത്താവ് വിജയമുരുകനും തമ്മിൽ ദീർഘനാളായി കുടുംബതർക്കം നിലനിന്നിരുന്നു. സ്കൂൾ സമയത്ത് അവിടെയെത്തിയ വിജയമുരുകൻ ശ്രീവിദ്യയുമായി വാക്കുതർക്കത്തിലേർപ്പെടുകയും തുടർന്ന് കൈവശം കരുതിയിരുന്ന ആയുധം ഉപയോഗിച്ച് വെട്ടുകയുമായിരുന്നു. ഗുരുതരമായി പരിക്കേറ്റ ശ്രീവിദ്യ സംഭവസ്ഥലത്ത് വെച്ച് തന്നെ മരിച്ചു. കൊലപാതകത്തിന് ശേഷം തന്റെ മൂന്ന് വയസ്സുള്ള പെൺകുട്ടിയെയും എടുത്തുകൊണ്ടാണ് വിജയമുരുകൻ സ്കൂളിൽ നിന്ന് രക്ഷപ്പെട്ടത്. ഇയാൾക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിക്കുകയും തിരച്ചിൽ ഊർജ്ജിതമാക്കുകയും ചെയ്തു.
അതേസമയം, ഭർത്താവിൽ നിന്ന് ഭീഷണി നേരിടുന്നതായി കാണിച്ച് ശ്രീവിദ്യ കഴിഞ്ഞയാഴ്ച പോലീസിൽ പരാതി നൽകിയിരുന്നു. എന്നിട്ടും വേണ്ടത്ര സുരക്ഷാ നടപടികൾ ഉണ്ടായില്ലെന്ന ആക്ഷേപം ഉയരുന്നുണ്ട്. കുടുംബപ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
Story Summary:
In a shocking incident in Salem, Tamil Nadu, a 44-year-old teacher named Srividya was hacked to death by her husband, Vijayamurugan, inside Omalur Government School. After committing the crime, the suspect fled the scene with their three-year-old daughter. Srividya had reportedly filed a police complaint against her husband last week due to ongoing family disputes. The police have launched an intensive search to apprehend the suspect.
