ടെഹ്റാൻ: ഇറാന്റെ എണ്ണ കയറ്റുമതിയുടെ നട്ടെല്ലായ ഖാർഗ് ദ്വീപിന് നേരെ വൻതോതിലുള്ള ആക്രമണം (Kharg Island Attack News). ചൊവ്വാഴ്ച രാത്രിയോടെയാണ് ദ്വീപിന്റെ വിവിധ ഭാഗങ്ങളിൽ ആക്രമണമുണ്ടായതെന്ന് ഇറാന്റെ അർദ്ധ ഔദ്യോഗിക മാധ്യമങ്ങൾ റിപ്പോർട്ട് ചെയ്തു. ഇറാന്റെ എണ്ണ കയറ്റുമതിയുടെ 90 ശതമാനവും കൈകാര്യം ചെയ്യുന്ന ഈ മേഖലയിലെ എണ്ണ സംഭരണശാലകളെയും ഓയിൽ ടെർമിനലുകളെയും ലക്ഷ്യം വെച്ചാണ് ആക്രമണം നടന്നത്.
വെടിനിർത്തൽ കരാർ അംഗീകരിക്കണമെന്നും ഹോർമുസ് കടലിടുക്ക് തുറക്കണമെന്നും കാട്ടി അമേരിക്കൻ പ്രസിഡന്റ് ഡൊണാൾഡ് ട്രംപ് നൽകിയ അന്ത്യശാസനം ഇറാൻ തള്ളിയതിന് പിന്നാലെയാണ് ആക്രമണം ഉണ്ടായത്.ആക്രമണത്തിന് പിന്നിൽ ഇസ്രായേലാണെന്നാണ് പുറത്തുവരുന്ന പ്രാഥമിക റിപ്പോർട്ടുകൾ സൂചിപ്പിക്കുന്നത്. മേഖലയിലെ ഇറാന്റെ സാമ്പത്തിക സ്രോതസ്സുകളെ തകർക്കുക എന്ന ലക്ഷ്യത്തോടെയാണ് നീക്കം.
ഓയിൽ ടെർമിനലുകൾ: ദ്വീപിലെ പ്രധാന ഓയിൽ ടെർമിനലിന് ആക്രമണത്തിൽ കാര്യമായ നാശനഷ്ടങ്ങൾ സംഭവിച്ചതായാണ് വിവരം. ഇത് ഇറാന്റെ ഇന്ധന കയറ്റുമതിയെയും ആഗോള ഇന്ധന വിപണിയെയും ദോഷകരമായി ബാധിച്ചേക്കാം.
ഖാർഗ് ദ്വീപിന്റെ വിവിധ ഭാഗങ്ങളിൽ വലിയ സ്ഫോടനങ്ങൾ നടന്നതായി റിപ്പോർട്ടുകൾ സ്ഥിരീകരിക്കുന്നുണ്ട്.
ട്രംപിന്റെ സമയപരിധി അവസാനിച്ചതിന് തൊട്ടുപിന്നാലെ നടന്ന ഈ ആക്രമണം പശ്ചിമേഷ്യയെ ഒരു പൂർണ്ണ യുദ്ധത്തിലേക്ക് നയിക്കുമോ എന്ന ആശങ്കയിലാണ് ലോകരാജ്യങ്ങൾ. ഹോർമുസ് കടലിടുക്ക് ഉൾപ്പെടെയുള്ള തന്ത്രപ്രധാനമായ മേഖലകളിൽ സംഘർഷം കൂടുതൽ രൂക്ഷമാകാൻ ഈ സംഭവം കാരണമാകും.
Story Summary:
Iran’s Kharg Island, a crucial hub for 90% of its oil exports, has come under attack following Tehran’s rejection of the US-led ceasefire proposal. Reports indicate that Israeli forces targeted oil storage facilities and terminals on the island, causing significant damage. The strikes occurred shortly after US President Donald Trump’s deadline for Iran to reopen the Strait of Hormuz expired.
