കണ്ണൂർ: പ്രമുഖ സിനിമാതാരത്തെ വിവാഹം കഴിക്കണമെന്ന ആവശ്യവുമായി പുത്തൻ സാരിയുമായി വീട്ടിലെത്തിയ യുവാവ് പിടിയിൽ (Kannur Actress Harassment). തളിപ്പറമ്പ് കൂവേരി അമ്മംകുളം സ്വദേശി അഭിലാഷ് ജോർജ് ആണ് നടിയുടെ വീട്ടിലെത്തി പരിഭ്രാന്തി പരത്തിയത്. കഴിഞ്ഞദിവസം രാവിലെ പത്ത് മണിയോടെയായിരുന്നു സംഭവം.
കടയിൽ നിന്ന് വാങ്ങിയ പുതിയ സാരിയുമായാണ് അഭിലാഷ് നടിയുടെ വീട്ടിലെത്തിയത്. വീട്ടുമുറ്റത്തെത്തിയ ഇയാൾ സാരി ഉയർത്തിക്കാണിച്ച് നടിയെ വിവാഹം കഴിക്കണമെന്ന് ഉച്ചത്തിൽ വിളിച്ച് പറയുകയായിരുന്നു. അപ്രതീക്ഷിതമായുണ്ടായ ഈ സംഭവത്തിൽ നടിയും കുടുംബവും ഭയന്നുപോയി. ഉടൻതന്നെ ഇവർ വീടിനുള്ളിൽ കയറി വാതിലടയ്ക്കുകയും പോലീസിൽ വിവരം അറിയിക്കുകയും ചെയ്തു.
ഇയാൾ കഴിഞ്ഞ ഡിസംബർ മുതൽ നടിയെ ഇൻസ്റ്റഗ്രാമിലൂടെ പിന്തുടരുകയും അശ്ലീല സന്ദേശങ്ങൾ അയക്കുകയും ചെയ്തിരുന്നതായി പരാതിയിൽ പറയുന്നു. നേരത്തെയും ഇയാൾ നടിയെ ശല്യപ്പെടുത്താൻ ശ്രമിച്ചിരുന്നു.
നടിയുടെ കുടുംബം നൽകിയ പരാതിയുടെ അടിസ്ഥാനത്തിൽ പോലീസ് അഭിലാഷ് ജോർജിനെ കസ്റ്റഡിയിലെടുത്തു. എന്നാൽ ചോദ്യം ചെയ്യലിൽ ഇയാൾക്ക് മാനസിക പ്രശ്നങ്ങളുണ്ടെന്ന് പോലീസ് കണ്ടെത്തി. തുടർന്ന് ഇയാളുടെ കുടുംബാംഗങ്ങളെ സ്റ്റേഷനിലേക്ക് വിളിച്ചുവരുത്തി അവർക്കൊപ്പം വിട്ടയച്ചു. സെലിബ്രിറ്റികൾക്കെതിരെയുള്ള ഇത്തരം അതിക്രമങ്ങൾ വർദ്ധിച്ചുവരുന്നത് വലിയ ആശങ്കയുണ്ടാക്കുന്നുണ്ട്.
Story Summary:
A youth named Abhilash George was detained after he reached the residence of a popular film actress in Kannur, demanding to marry her while brandishing a newly purchased saree. The incident caused panic among the actress and her family, who locked themselves indoors and alerted the police. The accused had reportedly been harassing her on Instagram since December. However, police released him to his family after discovering he had mental health issues.
