മംഗളൂരു: കേരള-കർണാടക അതിർത്തിക്ക് സമീപം നടന്ന ആരിഫ് ഹുസൈന്റെ കൊലപാതകത്തിന് പിന്നിൽ ഗുണ്ടാപ്പകയാണെന്നാണ് പോലീസിന്റെ പ്രാഥമിക നിഗമനം (Mangaluru Gangster Arif Hussain Murder). മംഗളൂരു കുദ്രോളി സ്വദേശിയായ ആരിഫ് (42) വെള്ളിയാഴ്ച പുലർച്ചെയാണ് കൊല്ലപ്പെട്ടത്. ബൈക്കിൽ സഞ്ചരിക്കുകയായിരുന്ന ആരിഫിനെ കാറിടിച്ചു വീഴ്ത്തിയ ശേഷം വെട്ടിക്കൊലപ്പെടുത്തുകയായിരുന്നു. ഫ്ലൈഓവറിന് മുകളിൽ വെച്ച് നടന്ന ആക്രമണമായതിനാൽ ആരിഫിന് രക്ഷപ്പെടാൻ കഴിഞ്ഞില്ല.
കൊല്ലപ്പെട്ട ആരിഫ് മംഗളൂരു പോലീസിന്റെ ഗുണ്ടാപ്പട്ടികയിലുള്ളയാളാണ്. നാല് വർഷം മുൻപ് ഇയാളെ വധിക്കാൻ ശ്രമിച്ച ‘തൊപ്പി നൗഫൽ’ കഴിഞ്ഞ നവംബറിൽ ഉപ്പള റെയിൽവേ സ്റ്റേഷന് സമീപം ട്രെയിൻ തട്ടി മരിച്ചിരുന്നു. നൗഫലിന്റെ മരണം കൊലപാതകമാണെന്ന് സംശയമുണ്ടായിരുന്നു. ഇതിന് പ്രതികാരമായാണ് ആരിഫ് കൊല്ലപ്പെട്ടതെന്നാണ് പോലീസ് കരുതുന്നത്.
കൊലയാളി സംഘം സഞ്ചരിച്ചിരുന്ന കേരള രജിസ്ട്രേഷനുള്ള ഇന്നോവ കാർ കർണാടകയിലെ വിട്ലയ്ക്ക് സമീപം ഉപേക്ഷിക്കപ്പെട്ട നിലയിൽ കണ്ടെത്തി. കാറിന്റെ ഉടമ മലയാളി ആണെന്ന് തിരിച്ചറിഞ്ഞിട്ടുണ്ട്.ആറംഗ സംഘത്തിലെ മൂന്ന് പേരെ പോലീസ് തിരിച്ചറിഞ്ഞിട്ടുണ്ട്. പ്രതികൾ കേരളത്തിലേക്ക് കടന്നതായി സംശയമുള്ളതിനാൽ കേരള പോലീസിന്റെ സഹായത്തോടെ അന്വേഷണം വ്യാപിപ്പിച്ചു.
മംഗളൂരു നഗരത്തിലെ ഗുണ്ടാ സംഘങ്ങൾക്കിടയിലുള്ള കുടിപ്പക വീണ്ടും തെരുവ് കൊലപാതകങ്ങളിലേക്ക് നീങ്ങുന്നത് നഗരവാസികളിൽ വലിയ ഭീതിയുണ്ടാക്കിയിട്ടുണ്ട്.
Short Story Summary:
Notorious gang leader Arif Hussain (42), alias Tablet Arif, was brutally murdered by a six-member gang on the Thokkotu flyover near the Kerala-Karnataka border. The attackers, who arrived in a Kerala-registered Innova, rammed Arif’s bike before hacking him to death. Police suspect the motive to be revenge for the suspicious death of rival gangster Thoppi Noufal last November. The getaway vehicle was found abandoned near Vitla, and three suspects have been identified.
