തിരുവനന്തപുരം: കെഎസ്ആർടിസി ജീവനക്കാർക്ക് രണ്ട് ഗഡു ഡി.എയും (Dearness Allowance) പെൻഷൻകാർക്ക് രണ്ട് ഗഡു ഡി.ആറും (Dearness Relief) അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. ഡി.എ, ഡി.ആർ ഇനങ്ങളിൽ ഏഴ് ശതമാനത്തിന്റെ വർദ്ധനവാണ് ഇതോടെ ലഭ്യമാകുക (KSRTC DA sanctioned 2026).
ആനുകൂല്യങ്ങൾ വിതരണം ചെയ്യുന്നതിനായി 10 കോടി രൂപ സർക്കാർ കോർപ്പറേഷന് അധികമായി അനുവദിച്ചു. 2022 ജനുവരി മുതൽ പ്രാബല്യത്തിൽ വന്ന ശമ്പള പരിഷ്കരണത്തിന്റെ തുടർച്ചയായാണ് ഈ നടപടി. ഈ സാമ്പത്തിക വർഷം ഇതുവരെ 1,574 കോടി രൂപയാണ് കെഎസ്ആർടിസിക്ക് സർക്കാർ സഹായമായി നൽകിയത്. ഇതിൽ 1,439 കോടി രൂപ പ്രത്യേക സഹായമായും, ബസ് വാങ്ങുന്നത് ഉൾപ്പെടെയുള്ള പ്രവർത്തനങ്ങൾക്കായി 135 കോടി രൂപയും നൽകി.
1,035 കോടി രൂപയായിരുന്നു കെഎസ്ആർടിസിക്ക് ബജറ്റിൽ വകയിരുത്തിയിരുന്നത്. എന്നാൽ നിലവിലെ പ്രതിസന്ധി പരിഗണിച്ച് 539 കോടി രൂപ അധികമായി നൽകിയിട്ടുണ്ട്.
ശമ്പളവും പെൻഷനും കൃത്യസമയത്ത് നൽകുന്നതിലെ തടസ്സങ്ങൾ പരിഹരിക്കുന്നതിനായി സർക്കാർ നടത്തുന്ന ശ്രമങ്ങളുടെ ഭാഗമായാണ് ഈ പുതിയ തീരുമാനം.
Story Summary: The Kerala government has sanctioned two installments of DA (Dearness Allowance) for KSRTC employees and DR (Dearness Relief) for pensioners. Minister K.N. Balagopal announced an additional grant of ₹10 crore for this purpose. The increase amounts to 7%, following the salary revision effective from January 2022.
