കൊച്ചി: ഹ്യൂമൻ മൊബൈൽ ഡിവൈസസ് (HMD) തങ്ങളുടെ പുതിയ സ്മാർട്ട് ഫോൺ നിര ഇന്ത്യൻ വിപണിയിൽ അവതരിപ്പിക്കാനൊരുങ്ങുന്നു (HMD smartphones India launch). പ്രമുഖ ഇ-കൊമേഴ്സ് പ്ലാറ്റ്ഫോമായ ഫ്ലിപ്പ്കാർട്ടുമായി ചേർന്നാണ് എച്ച്.എം.ഡി സ്മാർട്ട് ഫോണുകൾ പുറത്തിറക്കുന്നത്. നിർമ്മിത ബുദ്ധി (AI) സാങ്കേതികവിദ്യ, ആകർഷകമായ ഡിസൈൻ, ഉയർന്ന നിർമ്മാണ നിലവാരം എന്നിവയ്ക്കൊപ്പം ഉപഭോക്താക്കൾക്ക് തന്നെ ഫോണുകൾ എളുപ്പത്തിൽ റിപ്പയർ ചെയ്യാവുന്ന സൗകര്യവും (Easy Repairability) പുതിയ മോഡലുകളുടെ പ്രത്യേകതയായിരിക്കും.
10,000 രൂപ മുതൽ 20,000 രൂപ വരെയുള്ള ബജറ്റ്, മിഡ്-റേഞ്ച് വിഭാഗത്തിലാണ് ഫോണുകൾ പുറത്തിറക്കുന്നത്.ഫ്ലിപ്പ്കാർട്ടിന്റെ വിപുലമായ സപ്ലൈ ചെയിൻ ഉപയോഗപ്പെടുത്തി മെട്രോ നഗരങ്ങളിലും ഗ്രാമീണ വിപണികളിലും ഫോണുകൾ എത്തിക്കും. ഫ്ലിപ്പ്കാർട്ടിന് പുറമെ മറ്റ് പ്രമുഖ ഓൺലൈൻ, റീട്ടെയിൽ സ്റ്റോറുകളിലും ഫോണുകൾ ലഭ്യമാകും.
പുതിയ നിരയിലെ ആദ്യ ഫോണുകൾ അടുത്ത മാസം വിപണിയിലെത്തും. തുടർന്ന് ഘട്ടം ഘട്ടമായി മറ്റ് മോഡലുകളും അവതരിപ്പിക്കും.
ഫോണുകളുടെ കൃത്യമായ സവിശേഷതകൾ, വില, വിപണിയിലെത്തുന്ന തീയതി എന്നിവ ലോഞ്ചിന് മുന്നോടിയായി കമ്പനി ഔദ്യോഗികമായി പ്രഖ്യാപിക്കും. ഇന്ത്യൻ ഉപഭോക്താക്കളുടെ താൽപ്പര്യങ്ങൾ മുൻനിർത്തി വികസിപ്പിച്ച ഈ സ്മാർട്ട് ഫോണുകൾ വിപണിയിൽ വലിയ മാറ്റമുണ്ടാക്കുമെന്നാണ് കമ്പനിയുടെ പ്രതീക്ഷ.
Story Summary:
Human Mobile Devices (HMD) is partnering with Flipkart to launch its new smartphone lineup in India. Priced between ₹10,000 and ₹20,000, these AI-integrated phones focus on durability and easy repairability. The first set of devices is expected to hit the market next month.
