ഇറ്റാവ: ഉത്തർപ്രദേശിലെ ഇറ്റാവയിൽ പ്രായപൂർത്തിയാകാത്ത പെൺകുട്ടിയെ അതിക്രൂരമായി കൊലപ്പെടുത്തിയ യുവാവ് പിടിയിൽ (Etawah murder case Vijay Kushwaha). ഡൽഹി ജൽ ബോർഡിൽ കരാർ മെക്കാനിക്കായി ജോലി ചെയ്യുന്ന വിജയ് കുശ്വാഹ (29) ആണ് പിടിയിലായത്. കൊല്ലപ്പെട്ട പതിനേഴുകാരി പ്രതിയുടെ ഭാര്യാസഹോദരി കൂടിയാണ്.
ഭാര്യയുമായി മാസങ്ങളായി പിരിഞ്ഞു കഴിയുന്ന വിജയ് കുശ്വാഹ തന്റെ ഭാര്യാസഹോദരിയുമായി പ്രണയത്തിലായിരുന്നു. കഴിഞ്ഞ ബുധനാഴ്ച പെൺകുട്ടിയുമായി ഇയാൾ ഒളിച്ചോടി. തുടർന്ന് പെൺകുട്ടിയുടെ വീട്ടുകാർ നൽകിയ പരാതിയിൽ ഇയാൾക്കെതിരെ തട്ടിക്കൊണ്ടുപോകലിന് പോലീസ് കേസെടുത്തിരുന്നു.
ഒളിച്ചോടിയതിന് പിന്നാലെ ഞായറാഴ്ച പുലർച്ചെയാണ് ക്രൂരമായ കൊലപാതകം നടന്നത്. പെൺകുട്ടിയെ ആദ്യം കഴുത്തുഞെരിക്കുകയും പിന്നീട് ഇഷ്ടിക കൊണ്ട് തലയ്ക്കടിച്ച് മരണം ഉറപ്പാക്കുകയുമായിരുന്നു എന്ന് പോലീസ് പറഞ്ഞു. കൊലപാതകത്തിന് ശേഷം ഞായറാഴ്ച പുലർച്ചെ തന്നെ വിജയ് കുശ്വാഹ സദർ പോലീസ് സ്റ്റേഷനിലെത്തി കുറ്റം സമ്മതിച്ച് കീഴടങ്ങുകയായിരുന്നു.
പ്രതിയുടെ മൊഴിയുടെ അടിസ്ഥാനത്തിൽ മൃതദേഹം കണ്ടെത്തുകയും പോസ്റ്റ്മോർട്ടത്തിനായി അയയ്ക്കുകയും ചെയ്തു. തട്ടിക്കൊണ്ടുപോകൽ കേസിന് പുറമെ കൊലപാതക കുറ്റവും ഇയാൾക്കെതിരെ ചുമത്തിയിട്ടുണ്ട്. കുടുംബപ്രശ്നങ്ങളും പെൺകുട്ടിയുമായുള്ള തർക്കവുമാണോ കൊലപാതകത്തിലേക്ക് നയിച്ചതെന്ന് പോലീസ് വിശദമായി അന്വേഷിച്ചുവരികയാണ്.
Story Summary:
In a gruesome incident in Etawah, Uttar Pradesh, 29-year-old Vijay Kushwaha murdered his 17-year-old girlfriend, who was also his sister-in-law. After eloping with her last Wednesday, Kushwaha allegedly strangled her and bludgeoned her with a brick on Sunday morning. He later surrendered at the Sadar Police Station and confessed to the crime. Police had earlier registered a kidnapping case against him based on the girl’s family’s complaint.
