ദോഹ/മസ്കറ്റ്: ഇറാൻ പരമോന്നത നേതാവ് ആയത്തുള്ള അലി ഖമനേയി കൊല്ലപ്പെട്ടതിന് പിന്നാലെ മേഖലയിലുടനീളം ഇറാൻ്റെ ശക്തമായ പ്രത്യാക്രമണം (Doha Industrial Area Fire). ഖത്തറിലെ ദോഹ വ്യവസായ മേഖലയിൽ (Industrial Area) മിസൈൽ അവശിഷ്ടങ്ങൾ പതിച്ച് തീപിടുത്തമുണ്ടായി. ഇതിനിടെ ഒമാൻ തീരത്ത് എണ്ണക്കപ്പലിന് നേരെയും ആക്രമണമുണ്ടായതോടെ കടൽമാർഗ്ഗമുള്ള ചരക്കുനീക്കവും പ്രതിസന്ധിയിലായി.
ഇറാനിൽ നിന്നുള്ള മിസൈലുകൾ പ്രതിരോധിക്കുന്നതിനിടെ അവശിഷ്ടങ്ങൾ പതിച്ചാണ് ദോഹ വ്യവസായ മേഖലയിൽ തീപിടുത്തമുണ്ടായത്. ഇന്ന് രാവിലെയും മിസൈൽ ആക്രമണങ്ങൾ തുടരുന്നതിനാൽ രാജ്യം സുരക്ഷാ ഭീഷണിയിലാണ്.
ആഭ്യന്തര മന്ത്രാലയത്തിൻ്റെ കർശന നിർദ്ദേശങ്ങൾ:
അപകടം നടന്ന സ്ഥലങ്ങളിലേക്ക് അനാവശ്യമായി പോകുകയോ തിരക്ക് കൂട്ടുകയോ ചെയ്യരുത്.
ആംബുലൻസ്, സിവിൽ ഡിഫൻസ് വാഹനങ്ങൾ എന്നിവയ്ക്ക് തടസ്സമില്ലാതെ കടന്നുപോകാൻ സൗകര്യമൊരുക്കണം.
തിരിച്ചറിയാനാകാത്ത അവശിഷ്ടങ്ങളോ വസ്തുക്കളോ കണ്ടാൽ സ്പർശിക്കരുത്; ഉടൻ 999 എന്ന നമ്പറിൽ വിവരം അറിയിക്കണം.
വിവിധയിടങ്ങളിൽ സുരക്ഷാ സേനയെ വിന്യസിച്ചിട്ടുണ്ടെന്നും മന്ത്രാലയം അറിയിച്ചു.
ഒമാനിലെ ദുഖും (Duqm) തുറമുഖത്തിന് സമീപമുള്ള പാർപ്പിട സമുച്ചയത്തിൽ ഇറാൻ്റെ ഡ്രോൺ ആക്രമണം റിപ്പോർട്ട് ചെയ്തു. പിന്നാലെ ഒമാൻ തീരത്ത് എണ്ണക്കപ്പലിന് നേരെയും ആക്രമണമുണ്ടായി. സഖ്യസേനയെ സഹായിക്കുന്ന രാജ്യങ്ങളെയും അവരുടെ തന്ത്രപ്രധാന കേന്ദ്രങ്ങളെയും ലക്ഷ്യം വെച്ചാണ് ഇറാൻ്റെ പുതിയ നീക്കങ്ങൾ.
ഈ സാഹചര്യത്തിൽ ഖത്തറിലെയും ഒമാനിലെയും ഇന്ത്യൻ പ്രവാസികൾ അതീവ ജാഗ്രത പാലിക്കണമെന്നും എംബസി നിർദ്ദേശങ്ങൾ കർശനമായി പാലിക്കണമെന്നും അധികൃതർ അറിയിച്ചു.
Story Summary: In retaliation for the killing of Ayatollah Ali Khamenei, Iran launched missile and drone attacks across the region. Shrapnel from intercepted missiles caused a fire in the Doha Industrial Area, Qatar. Qatar’s Ministry of Interior urged citizens to avoid affected areas and report suspicious objects via 999. Meanwhile, an oil tanker was attacked off the Oman coast, and drone strikes were reported in a residential complex near Duqm port.
