കോഴിക്കോട്: രാമനാട്ടുകര മോഡേൺ ബസാറിൽ ശനിയാഴ്ച പുലർച്ചെയുണ്ടായ ദാരുണമായ വാഹനാപകടത്തിൽ നാല് പേർ മരിച്ചു (Ramanattukara Accident News). ഫാറൂഖ് കോളേജ് സ്വദേശികളായ അജീഷ്, വിമൽ, ശ്യാംലാൽ, രാമനാട്ടുകര സ്വദേശി ദിനിൽ എന്നിവരാണ് മരിച്ചത്. പുലർച്ചെ 3.30-ഓടെയായിരുന്നു അപകടം.
കോഴിക്കോട് ഭാഗത്ത് നിന്ന് ഫറോക്കിലേക്ക് പോവുകയായിരുന്ന കാറും മലപ്പുറം ഭാഗത്ത് നിന്ന് വരികയായിരുന്ന ലോറിയും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തിൽ കാർ പൂർണ്ണമായും തകർന്നു. കാറിനുള്ളിൽ കുടുങ്ങിയവരെ ഫയർഫോഴ്സും പോലീസും നാട്ടുകാരും ചേർന്ന് കട്ടർ ഉപയോഗിച്ച് കാർ വെട്ടിപ്പൊളിച്ചാണ് പുറത്തെടുത്തത്. ഗുരുതരമായി പരിക്കേറ്റ ശ്യാംലാലിനെയും മറ്റൊരാളെയും ഉടൻ ആശുപത്രിയിലെത്തിച്ചെങ്കിലും ശ്യാംലാലിന്റെ ജീവൻ രക്ഷിക്കാനായില്ല. ഒരാൾ ഗുരുതരാവസ്ഥയിൽ ചികിത്സയിൽ തുടരുകയാണ്.
പ്രദേശത്തെ ഉത്സവം കഴിഞ്ഞ് മടങ്ങുകയായിരുന്നു കാറിലുണ്ടായിരുന്ന അഞ്ച് യുവാക്കളും എന്നാണ് പ്രാഥമിക വിവരം. മൃതദേഹങ്ങൾ കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. സംഭവത്തിൽ ഫറോക്ക് പോലീസ് അന്വേഷണം ആരംഭിച്ചിട്ടുണ്ട്.
Story Summary: Four youths died in a tragic road accident at Ramanattukara Modern Bazar, Kozhikode, in the early hours of Saturday. The deceased are Ajesh, Vimal, Shyamlal, and Dinil. The car they were travelling in collided with a lorry. Firefighters had to cut open the vehicle to rescue the passengers. The youths were returning after attending a festival.
