പല്ലേക്കലെ: ശ്രീലങ്കൻ മണ്ണിൽ ലങ്കൻ പടയെ എറിഞ്ഞൊതുക്കി ഇംഗ്ലണ്ടിന് തകർപ്പൻ ജയം (T20 World Cup 2026). സൂപ്പർ എട്ടിലെ നിർണ്ണായക മത്സരത്തിൽ 147 റൺസ് വിജയലക്ഷ്യം പിന്തുടർന്ന ശ്രീലങ്ക 95 റൺസിന് ഓൾഔട്ടായി. ബാറ്റു കൊണ്ടും പന്തു കൊണ്ടും തിളങ്ങിയ വിൽ ജാക്സാണ് മത്സരത്തിലെ താരം.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇംഗ്ലണ്ടിന് തുടക്കം പാളി. 68 റൺസിനിടെ നാല് മുൻനിര വിക്കറ്റുകൾ വീണെങ്കിലും ഫിലിപ്പ് സാൾട്ടിന്റെ (62) അർധസെഞ്ചുറി ടീമിനെ ഭേദപ്പെട്ട നിലയിലെത്തിച്ചു. നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 146 റൺസാണ് ഇംഗ്ലണ്ട് നേടിയത്. ശ്രീലങ്കയ്ക്കായി ദുനിത് വെല്ലാലഗെ മൂന്ന് വിക്കറ്റെടുത്തു.
കുറഞ്ഞ സ്കോർ പിന്തുടർന്ന ലങ്കയ്ക്ക് ഇംഗ്ലീഷ് ബൗളിംഗ് നിരയ്ക്ക് മുന്നിൽ മറുപടിയുണ്ടായിരുന്നില്ല. 30 റൺസെടുത്ത ക്യാപ്റ്റൻ ദസുൻ ഷാനക മാത്രമാണ് അല്പമെങ്കിലും പൊരുതിയത്. 16.4 ഓവറിൽ ലങ്കൻ പോരാട്ടം 95 റൺസിൽ അവസാനിച്ചു.
ഇംഗ്ലണ്ടിനായി വിൽ ജാക്സ് മൂന്ന് വിക്കറ്റ് വീഴ്ത്തിയപ്പോൾ ജോഫ്ര ആർച്ചർ, ലിയാം ഡോവ്സൺ, ആദിൽ റഷീദ് എന്നിവർ രണ്ട് വിക്കറ്റ് വീതം പങ്കിട്ടു.
സൂപ്പർ എട്ടിലെ ഗ്രൂപ്പിൽ ഇംഗ്ലണ്ടിന്റെ ആദ്യ വിജയമാണിത്. ഇതേ ഗ്രൂപ്പിലെ ന്യൂസിലൻഡ് – പാക്കിസ്ഥാൻ മത്സരം മഴ മൂലം ഉപേക്ഷിച്ചതിനാൽ ഇംഗ്ലണ്ടിന് സെമി ഫൈനൽ സാധ്യതകളിൽ ഈ വിജയം വലിയ മുൻതൂക്കം നൽകുന്നു.
Story Summary:
England defeated Sri Lanka by 51 runs in the T20 World Cup Super 8 match at Pallekele. Philip Salt’s 62 and Will Jacks’ 3-wicket haul were the highlights. Sri Lanka was bowled out for 95 runs.
