യമനിലെ ഹൂത്തി വിമതർ ഗ്രീക്ക് കപ്പൽ ചെങ്കടലിൽ മുക്കിയ സംഭവം: 10 പേരെ രക്ഷപെടുത്തി, രക്ഷപെട്ടവരിൽ ഇന്ത്യൻ പൗരനും, 11 പേർക്കായി തിരച്ചിൽ പുരോഗമിക്കുന്നു | Greek ship

ഏഥൻസ്: "എറ്റേണിറ്റി സി" എന്ന ഗ്രീക്ക് കപ്പൽ, ഹൂത്തി തീവ്രവാദികൾ ചെങ്കടലിൽ മുക്കിയ സംഭവത്തിൽ കപ്പലിലെ മൂന്ന് ജീവനക്കാരെയും സുരക്ഷാ ഉദ്യോഗസ്ഥനെയും രക്ഷാപ്രവർത്തകർ രക്ഷിച്ചു(Greek ship). ഇതോടെ രക്ഷപ്പെടുത്തിയവരുടെ ആകെ എണ്ണം 10 ആയി.

ബുധനാഴ്ച രാവിലെ മുതൽ രക്ഷാപ്രവർത്തകർ തിരച്ചിൽ നടത്തിവരികയായിരുന്നു. രക്ഷപെട്ടവരിൽ 8 പേർ ഫിലിപ്പിനോ ക്രൂ അംഗങ്ങളും ഒരു ഇന്ത്യക്കാരനും ഒരു ഗ്രീക്ക് സുരക്ഷാ ജീവനക്കാരനും ഉൾപ്പെടുന്നതായാണ് വിവരം. അതേസമയം 11 പേരെ ഇനിയും കണ്ടെത്താനുണ്ട്. ഇവർക്കായുള്ള തിരച്ചിൽ പുരോഗമിക്കുകയാണ്. സമുദ്ര സുരക്ഷാ വൃത്തങ്ങളാണ് വിവരങ്ങൾ പുറത്തു വിട്ടത്.