ലോകമെമ്പാടും 2026 പുതുവർഷത്തെ (New Year 2026) വരവേൽക്കാനുള്ള തയ്യാറെടുപ്പിലാണ്. ഭൂമിയുടെ ഭ്രമണവും സമയമേഖലകളും അനുസരിച്ച് ഓരോ രാജ്യത്തും വ്യത്യസ്ത സമയങ്ങളിലാണ് പുതുവർഷം പിറക്കുന്നത്. ഇന്ത്യയിൽ അർദ്ധരാത്രി 12 മണിയാകുമ്പോൾ പല രാജ്യങ്ങളിലും പുതുവർഷം ജനുവരി 1 പകുതി പിന്നിട്ടിട്ടുണ്ടാകും, എന്നാൽ ചില രാജ്യങ്ങളിൽ ആഘോഷങ്ങൾ തുടങ്ങാൻ ഇനിയും മണിക്കൂറുകൾ കാത്തിരിക്കേണ്ടി വരും.
കിരിബാത്തി (Kiribati): ലോകത്ത് ഏറ്റവും ആദ്യമായി പുതുവർഷം എത്തുന്ന രാജ്യമാണിത്. ഇന്ത്യൻ സമയം ഡിസംബർ 31-ന് ഉച്ചയ്ക്ക് 3:30 ആകുമ്പോൾ കിരിബാത്തിയിൽ 2026 പിറക്കും.
ന്യൂസിലാൻഡ് (New Zealand): കിരിബാത്തിക്ക് പിന്നാലെ ന്യൂസിലാൻഡിലെ ഓക്ക്ലൻഡ്, വെല്ലിംഗ്ടൺ തുടങ്ങിയ നഗരങ്ങൾ പുതുവർഷത്തെ വരവേൽക്കും. ഇന്ത്യൻ സമയം വൈകുന്നേരം 4:30-നാണ് ഇവിടെ ആഘോഷങ്ങൾ തുടങ്ങുന്നത്.
ഓസ്ട്രേലിയ (Australia): സിഡ്നിയും മെൽബണും ഉൾപ്പെടുന്ന ഓസ്ട്രേലിയയുടെ കിഴക്കൻ ഭാഗങ്ങളിൽ ഇന്ത്യൻ സമയം വൈകുന്നേരം 6:30-ഓടെ പുതുവർഷം എത്തും. സിഡ്നി ഹാർബർ ബ്രിഡ്ജിലെ വെടിക്കെട്ട് ലോകപ്രശസ്തമാണ്.
ജപ്പാൻ (Japan): ഇന്ത്യൻ സമയം രാത്രി 8:30-ഓടെ ജപ്പാനിൽ പുതുവർഷം പിറക്കും. ക്ഷേത്രമണികൾ മുഴക്കിയാണ് ജപ്പാൻകാർ 2026-നെ സ്വീകരിക്കുന്നത്.
ചൈന (China): ചൈന, സിംഗപ്പൂർ, ഫിലിപ്പീൻസ് തുടങ്ങിയ രാജ്യങ്ങളിൽ ഇന്ത്യൻ സമയം രാത്രി 9:30-നാണ് പുതുവർഷാഘോഷങ്ങൾ ആരംഭിക്കുന്നത്.
യുണൈറ്റഡ് അറബ് എമിറേറ്റ്സ് (UAE): ദുബായ് ഉൾപ്പെടെയുള്ള ഗൾഫ് രാജ്യങ്ങളിൽ ഇന്ത്യയിൽ പുതുവർഷം പിറന്ന് ഒന്നര മണിക്കൂറിന് ശേഷമാണ് (ഇന്ത്യൻ സമയം ജനുവരി 1, പുലർച്ചെ 1:30) 2026 എത്തുന്നത്.
യുണൈറ്റഡ് കിംഗ്ഡം (UK): ലണ്ടനിലെ ബിഗ് ബെൻ മണികൾ മുഴങ്ങുമ്പോൾ ഇന്ത്യയിൽ ജനുവരി 1 പുലർച്ചെ 5:30 ആയിട്ടുണ്ടാകും.
ബ്രസീൽ (Brazil): ഇന്ത്യൻ സമയം ജനുവരി 1 രാവിലെ 8:30-ഓടെയാണ് ബ്രസീലിലെ റിയോ ഡി ജനീറോയിൽ പുതുവർഷം എത്തുന്ന്.
അമേരിക്ക (USA): അമേരിക്കയിലെ ന്യൂയോർക്കിൽ ഇന്ത്യയിൽ പുതുവർഷം പിറന്ന് പത്തര മണിക്കൂറിന് ശേഷമാണ് ആഘോഷങ്ങൾ തുടങ്ങുന്നത് (ഇന്ത്യൻ സമയം ജനുവരി 1, രാവിലെ 10:30).
അമേരിക്കൻ സമോവ (American Samoa): ലോകത്ത് ഏറ്റവും അവസാനമായി പുതുവർഷം എത്തുന്ന ജനവാസമുള്ള മേഖലയാണിത്. ഇന്ത്യയിൽ ജനുവരി 1 വൈകുന്നേരം 4:30 ആകുമ്പോഴാണ് ഇവിടെ പുതുവർഷം പിറക്കുന്നത്.
As the world prepares for New Year 2026, time zone differences mean celebrations happen at various intervals. Countries like Kiribati, New Zealand, Australia, Japan, and China welcome the New Year hours before India, starting as early as 3:30 PM IST on December 31st. On the other hand, countries like the UAE, UK, Brazil, USA, and American Samoa celebrate it several hours after India, with American Samoa being one of the last places to enter 2026.