വാഷിംഗ്ടൺ: ലോകത്തെ വികസ്വര രാജ്യങ്ങളിൽ നാലിലൊന്ന് ഭാഗവും (25%) 2019-ലെ കോവിഡ് മഹാമാരിക്ക് മുൻപുണ്ടായിരുന്നതിനേക്കാൾ ദരിദ്രമായ അവസ്ഥയിലാണെന്ന് വേൾഡ് ബാങ്കിന്റെ പുതിയ റിപ്പോർട്ട് (World Bank Report). സബ്-സഹാറൻ ആഫ്രിക്കൻ രാജ്യങ്ങളെയാണ് ഈ പ്രതിസന്ധി ഏറ്റവും കൂടുതൽ ബാധിച്ചിരിക്കുന്നത്. ബോട്സ്വാന, നമീബിയ, സെൻട്രൽ ആഫ്രിക്കൻ റിപ്പബ്ലിക്, ചാഡ്, മൊസാംബിക് തുടങ്ങിയ രാജ്യങ്ങളിൽ ആളുകളുടെ ശരാശരി വരുമാനത്തിൽ വലിയ ഇടിവുണ്ടായി. നൈജീരിയ, ദക്ഷിണാഫ്രിക്ക തുടങ്ങിയ പ്രമുഖ രാജ്യങ്ങൾ പോലും ജനങ്ങളുടെ വരുമാനം വർദ്ധിപ്പിക്കുന്നതിൽ പരാജയപ്പെട്ടുവെന്ന് റിപ്പോർട്ട് ചൂണ്ടിക്കാട്ടുന്നു.
ആഗോള സാമ്പത്തിക വളർച്ചയുടെ വേഗത കുറഞ്ഞത് കടുത്ത ദാരിദ്ര്യം കുറയ്ക്കുന്നതിനും തൊഴിലവസരങ്ങൾ സൃഷ്ടിക്കുന്നതിനും തടസ്സമാകുന്നു. വികസ്വര രാജ്യങ്ങളിലെ സാമ്പത്തിക വളർച്ച കഴിഞ്ഞ വർഷത്തെ 4.2 ശതമാനത്തിൽ നിന്ന് അടുത്ത വർഷം 4 ശതമാനമായി കുറയാൻ സാധ്യതയുണ്ട്. ആഭ്യന്തര യുദ്ധങ്ങൾ, ക്ഷാമം, നയപരമായ പിഴവുകൾ എന്നിവയാണ് പല രാജ്യങ്ങളെയും സാമ്പത്തികമായി പിന്നോട്ടടിച്ചത്. ലോകമെമ്പാടുമുള്ള 1.2 ബില്യൺ യുവാക്കൾ അടുത്ത ദശകത്തിൽ തൊഴിൽ വിപണിയിലേക്ക് എത്താനിരിക്കെ, നിലവിലെ സാമ്പത്തിക സാഹചര്യം വലിയ വെല്ലുവിളിയാണെന്ന് വേൾഡ് ബാങ്ക് ചീഫ് ഇക്കണോമിസ്റ്റ് ഇൻഡർമിറ്റ് ഗിൽ പറഞ്ഞു.
A new World Bank report reveals that 25% of developing countries are poorer now than they were in 2019 before the COVID-19 pandemic. Sub-Saharan African nations like Botswana and Namibia are the hardest hit, with global growth proving insufficient to tackle extreme poverty or create enough jobs. Chief Economist Indermit Gill highlighted that avoidable policy mistakes, alongside wars and famines, have hampered recovery, warning that slow growth and record debt levels could undermine public finance for years to come.