കടലിൽ ചത്തുപൊങ്ങിയ കൂറ്റൻ തിമിംഗലത്തിന്റെ മുകളിൽ കയറി നിന്ന് മദ്യലഹരിയിൽ ഫോട്ടോയ്ക്ക് പോസ് ചെയ്യുന്ന മത്സ്യത്തൊഴിലാളികളുടെ വീഡിയോ സോഷ്യൽ മീഡിയയിൽ വൈറലാകുന്നു (Whale Body Photo Outrage). തിമിംഗലത്തിന്റെ ശരീരത്തിൽ കയറി നിന്ന് ചിരിക്കുകയും ആസ്വദിച്ച് ഫോട്ടോയെടുക്കുകയും ചെയ്യുന്ന ഇവരുടെ പ്രവർത്തിക്കെതിരെ പരിസ്ഥിതി പ്രവർത്തകരും മൃഗസ്നേഹികളും രംഗത്തെത്തിയിട്ടുണ്ട്. ഈ ക്രൂരമായ വിനോദത്തിന്റെ ദൃശ്യങ്ങൾ പുറത്തുവന്നതോടെ വലിയ രീതിയിലുള്ള വിമർശനമാണ് ഉയരുന്നത്.
വീഡിയോ പങ്കുവെച്ച വ്യക്തി തന്നെ തങ്ങൾ മദ്യലഹരിയിലായിരുന്നുവെന്ന് സമ്മതിച്ചിട്ടുണ്ട്. തിമിംഗലം ചത്തിട്ട് അധികം സമയമാകാത്തതിനാൽ അത് അഴുകി തുടങ്ങിയിരുന്നില്ലെന്നും അതിനാൽ മദ്യലഹരിയിൽ തമാശയ്ക്കായി അതിന്റെ മുകളിൽ കയറിയതാണെന്നുമാണ് ഇയാൾ നൽകിയ വിശദീകരണം. എന്നാൽ സംഭവത്തിന്റെ കൃത്യമായ സ്ഥലമോ സമയമോ വ്യക്തമല്ല. പ്രകൃതിയെയും വന്യജീവികളെയും അപമാനിക്കുന്ന ഇത്തരം പ്രവർത്തികൾ അങ്ങേയറ്റം ദൗർഭാഗ്യകരമാണെന്ന് സോഷ്യൽ മീഡിയ ഉപയോക്താക്കൾ പ്രതികരിച്ചു.
ചത്തുപൊങ്ങുന്ന തിമിംഗലങ്ങൾ വലിയ തോതിൽ വാതകങ്ങൾ പുറത്തുവിടാൻ സാധ്യതയുള്ളതിനാൽ അവ പൊട്ടിത്തെറിക്കാനുള്ള അപകടസാധ്യതയുണ്ടെന്ന് പലരും മുന്നറിയിപ്പ് നൽകി. ചത്തതിന് ശേഷവും കടലിലെ ആയിരക്കണക്കിന് ജീവികൾക്ക് ഭക്ഷണമായി മാറുന്ന തിമിംഗലങ്ങളെപ്പോലുള്ള ജീവികളോട് അല്പമെങ്കിലും ബഹുമാനം കാണിക്കണമായിരുന്നുവെന്നും വിമർശനമുയർന്നു. പ്രകൃതി ഒരു തമാശയല്ലെന്നും മദ്യലഹരിയിലാണെന്നത് ഇത്തരം വിവേകശൂന്യമായ പ്രവർത്തികൾക്ക് ന്യായീകരണമല്ലെന്നും പരിസ്ഥിതി പ്രവർത്തകർ ചൂണ്ടിക്കാട്ടുന്നു.
A video of two intoxicated fishermen posing for photos on top of a dead whale's carcass has sparked widespread outrage online. The footage shows the men laughing and taking pictures while standing on the floating remains of the massive mammal. Wildlife advocates condemned the act as disrespectful and dangerous, noting that decomposing whale carcasses can explode due to gas buildup. While the fishermen claimed their actions were a drunken prank, social media users slammed the lack of empathy toward the animal.