600 വർഷത്തിനിടെ ആദ്യമായി കാംചത്കയിൽ ക്രാഷെനിന്നിക്കോവ് അഗ്നിപർവ്വതം ഒറ്റരാത്രി കൊണ്ട് പൊട്ടിത്തെറിച്ചു. കഴിഞ്ഞയാഴ്ച റഷ്യയുടെ ഫാർ ഈസ്റ്റിനെ പിടിച്ചുകുലുക്കിയ വലിയ ഭൂകമ്പവുമായി ഇത് ബന്ധപ്പെട്ടിരിക്കാമെന്നാണ് റിപ്പോർട്ട്.(Volcano Erupts After 600 Years)
"600 വർഷത്തിനിടെ ചരിത്രപരമായി സ്ഥിരീകരിച്ച ക്രാഷെനിന്നിക്കോവ് അഗ്നിപർവ്വത സ്ഫോടനമാണിത്," കാംചത്ക അഗ്നിപർവ്വത സ്ഫോടന പ്രതികരണ സംഘത്തിന്റെ തലവനായ ഓൾഗ ഗിരിന പറഞ്ഞു. ഫ്രഞ്ച് പോളിനേഷ്യ, ചിലി എന്നിവിടങ്ങളിൽ സുനാമി മുന്നറിയിപ്പുകൾ നൽകിയ ബുധനാഴ്ചത്തെ ഭൂകമ്പവുമായി സ്ഫോടനത്തിന് ബന്ധമുണ്ടാകാമെന്നും തുടർന്ന് കംചത്ക ഉപദ്വീപിലെ ഏറ്റവും സജീവമായ അഗ്നിപർവ്വതമായ ക്ല്യൂചെവ്സ്കോയ് പൊട്ടിത്തെറിച്ചതായും അവർ കൂട്ടിച്ചേർത്തു.
ഇൻസ്റ്റിറ്റ്യൂട്ട് ഓഫ് വോൾക്കനോളജി ആൻഡ് സീസ്മോളജിയുടെ ടെലിഗ്രാം ചാനലിൽ, ക്രാഷെനിന്നിക്കോവിന്റെ അവസാന ലാവാ എഫ്യൂഷൻ 1463-ൽ - പ്ലസ്/മൈനസ് 40 വർഷത്തിനുള്ളിൽ - നടന്നതായും അതിനുശേഷം ഒരു സ്ഫോടനവും ഉണ്ടായിട്ടില്ലെന്നും ഗിരിന പറഞ്ഞു. അഗ്നിപർവ്വത സ്ഫോടനത്തെത്തുടർന്ന് 6,000 മീറ്റർ (3.7 മൈൽ) വരെ ഉയരത്തിൽ അവശിഷ്ടങ്ങൾ ഉയർന്നതായി റഷ്യയുടെ അടിയന്തര സേവന മന്ത്രാലയത്തിന്റെ കാംചത്ക ബ്രാഞ്ച് അറിയിച്ചു. അഗ്നിപർവ്വത സ്ഫോടനത്തിന് ഓറഞ്ച് ഏവിയേഷൻ കോഡ് നൽകിയിട്ടുണ്ട്. ഇത് വിമാനങ്ങൾക്ക് ഉയർന്ന അപകടസാധ്യതയെ സൂചിപ്പിക്കുന്നു