കാരക്കാസ്: നിക്കോളാസ് മഡൂറോയെ അമേരിക്കൻ സൈന്യം പിടികൂടിയതിന് പിന്നാലെ നിലപാട് മയപ്പെടുത്തി വെനസ്വേലൻ താൽക്കാലിക പ്രസിഡന്റ് ഡെൽസി റോഡ്രിഗസ് (Venezuela Cooperation). അമേരിക്കയുമായി സഹകരിച്ച് പ്രവർത്തിക്കാൻ തയ്യാറാണെന്ന് വ്യക്തമാക്കിയ റോഡ്രിഗസ്, മേഖലയിൽ യുദ്ധമല്ല മറിച്ച് സമാധാനവും ചർച്ചയുമാണ് ആവശ്യമെന്ന് പറഞ്ഞു. മഡൂറോയെ വിട്ടയച്ചില്ലെങ്കിൽ വെനസ്വേലയ്ക്ക് മേൽ കൂടുതൽ സൈനിക ആക്രമണങ്ങൾ ഉണ്ടായേക്കുമെന്ന് അമേരിക്കൻ പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകിയതിന് തൊട്ടുപിന്നാലെയാണ് ഈ അനുനയ നീക്കം.
അന്താരാഷ്ട്ര നിയമങ്ങൾ പാലിച്ച് പരസ്പര വികസനത്തിനായി പ്രവർത്തിക്കാൻ അമേരിക്കയെ ക്ഷണിക്കുന്നതായി സോഷ്യൽ മീഡിയയിൽ പങ്കുവെച്ച പ്രസ്താവനയിൽ റോഡ്രിഗസ് പറഞ്ഞു. മഡൂറോയെ പിടികൂടിയത് നിയമവിരുദ്ധമാണെന്ന് നേരത്തെ ഇവർ ആരോപിച്ചിരുന്നു. എന്നാൽ നിലവിൽ വെനസ്വേലയുടെ എണ്ണ വ്യവസായം പുനർനിർമ്മിക്കുമെന്നും തങ്ങൾ കൊള്ളയടിക്കപ്പെട്ടവ തിരിച്ചുപിടിക്കുമെന്നും ട്രംപ് പ്രഖ്യാപിച്ചതോടെ വെനസ്വേല കടുത്ത സമ്മർദ്ദത്തിലായി. ലഹരിക്കടത്ത് കേസിൽ മഡൂറോയെ തിങ്കളാഴ്ച ന്യൂയോർക്കിലെ ഫെഡറൽ കോടതിയിൽ ഹാജരാക്കും. അതേസമയം, ഒരു വിദേശ രാജ്യത്തെ ഭരണത്തലവനെ പിടികൂടിയ അമേരിക്കയുടെ നടപടിയിൽ ഐക്യരാഷ്ട്രസഭയും ചൈനയും ഉൾപ്പെടെയുള്ളവർ ആശങ്ക രേഖപ്പെടുത്തിയിട്ടുണ്ട്.
Venezuela's acting president, Delcy Rodriguez, has offered to cooperate with the United States on a "shared development" agenda following the capture of Nicolas Maduro. This conciliatory move comes after President Donald Trump threatened further military strikes if the oil-rich nation did not comply with U.S. demands. While the U.N. and China question the legality of the capture, the U.S. remains firm on holding Maduro accountable for narco-terrorism charges in a New York court.