കാരക്കാസ്: വെനസ്വേലയുടെ എണ്ണക്കമ്പനിയായ സിറ്റ്ഗോയെ (Citgo) യുഎസിൽ വെച്ച് വഞ്ചനാപരവും നിർബന്ധിതവുമായ വിൽപ്പനയ്ക്ക് വെക്കാൻ യുഎസ് കോടതി അനുമതി നൽകി. ഇതിനെതിരെ വെനസ്വേലൻ വൈസ് പ്രസിഡന്റും പെട്രോളിയം മന്ത്രിയുമായ ഡെൽസി റോഡ്രിഗസ് ശക്തമായി അപലപിച്ചു. കോടിക്കണക്കിന് ഡോളറിന്റെ കടങ്ങൾ തീർക്കുന്നതിനായിട്ടാണ് ഡെലവെയർ ജഡ്ജി ഈ വിൽപ്പനയ്ക്ക് ഉത്തരവിട്ടത്. ഈ കോടതി നടപടിയെ ശക്തമായി എതിർക്കുന്നതായി റോഡ്രിഗസ് പ്രസ്താവനയിൽ അറിയിച്ചു.
കഴിഞ്ഞ ആഴ്ച ഡെലവെയർ ജഡ്ജി ലിയോനാർഡ് സ്റ്റാർക്ക്, സിറ്റ്ഗോയുടെ മാതൃ കമ്പനിയെ ആംബർ എനർജിക്ക് 5.9 ബില്യൺ ഡോളറിന് വിൽക്കാൻ ഉത്തരവിട്ടിരുന്നു. എണ്ണ വ്യവസായത്തെ ലക്ഷ്യമിട്ടുള്ള യുഎസ് ഉപരോധങ്ങൾ കാരണം കടുത്ത സാമ്പത്തിക പ്രതിസന്ധിയിലായ വെനസ്വേലയുടെ സർക്കാർ ഉടമസ്ഥതയിലുള്ള എണ്ണക്കമ്പനിയായ പിഡിവിഎസ്എയുടെ ഹൂസ്റ്റൺ ആസ്ഥാനമായുള്ള ഉപസ്ഥാപനമാണ് സിറ്റ്ഗോ.
വെനസ്വേലൻ പ്രസിഡന്റ് നിക്കോളാസ് മഡുറോയ്ക്ക് എതിരെയുള്ള ആരോപണങ്ങൾക്കിടയിലാണ് സിറ്റ്ഗോയുടെ വിൽപ്പന നടക്കുന്നത്. രാജ്യത്തിന് ചുറ്റുമുള്ള കരീബിയൻ കടലിൽ അമേരിക്ക അടുത്തിടെ നടത്തിയ സൈനിക വിന്യാസം, വെനസ്വേലയുടെ വലിയ എണ്ണ ശേഖരം പിടിച്ചെടുക്കുക എന്ന ലക്ഷ്യത്തോടെയാണെന്ന് അദ്ദേഹം ആരോപിച്ചു. 2023-ലെ കണക്കനുസരിച്ച്, ലോകത്തിലെ ഏറ്റവും വലിയ എണ്ണ ശേഖരം (303 ബില്യൺ ബാരൽ) വെനസ്വേലയ്ക്കുണ്ടെങ്കിലും, മുൻ യുഎസ് പ്രസിഡന്റ് ഡൊണാൾഡ് ട്രംപിന്റെ ആദ്യ ഭരണകാലത്ത് ഏർപ്പെടുത്തിയ ഉപരോധങ്ങൾ കാരണം മറ്റ് പ്രധാന എണ്ണ ഉൽപാദക രാജ്യങ്ങളെ അപേക്ഷിച്ച് വളരെ കുറഞ്ഞ അളവിലാണ് കയറ്റുമതി നടന്നത്. അടുത്തിടെ തനിക്കെതിരെയുള്ള യു.എസിന്റെ "വർധിച്ചുവരുന്നതും നിയമവിരുദ്ധവുമായ ഭീഷണികളെ" നേരിടാൻ സഹായിക്കണമെന്ന് മഡുറോ ഒപെക് അംഗങ്ങളോട് അഭ്യർത്ഥിച്ചിരുന്നു. എന്നാൽ, തങ്ങളുടെ സൈനിക നടപടികൾ മയക്കുമരുന്ന് കടത്തിനെ നേരിടാൻ മാത്രമാണെന്നാണ് ട്രംപ് ഭരണകൂടത്തിന്റെ വാദം.
Venezuela's Vice President Delcy Rodriguez vehemently rejected a US court order authorizing the "fraudulent" and "forced sale" of its state-owned oil company subsidiary, Citgo, to settle billions in debt. The sale, ordered by a Delaware judge to Amber Energy for $5.9 billion, reflects the financial strain on the country's oil industry due to stringent US sanctions.