വാഷിംഗ്ടൺ ഇറാനിലെ പ്രധാന സൈനിക കേന്ദ്രങ്ങൾ ലക്ഷ്യമിട്ട് അമേരിക്ക നടത്തുന്ന ‘ഓപ്പറേഷൻ എപ്പിക് ഫ്യൂറിയിൽ’ ഉപയോഗിക്കുന്ന യുദ്ധവിമാനങ്ങളുടെയും മിസൈലുകളുടെയും സമ്പൂർണ്ണ പട്ടിക യുഎസ് സെൻട്രൽ കമാൻഡ് പുറത്തുവിട്ടു (US Weapons Used Against Iran Operation Epic Fury). ഫെബ്രുവരി 27-ന് ആരംഭിച്ച ഈ സൈനിക നീക്കത്തിൽ സ്റ്റെൽത്ത് ബോംബറുകൾ, സൂയിസൈഡ് ഡ്രോണുകൾ, ആണവോർജ്ജത്തിൽ പ്രവർത്തിക്കുന്ന വിമാനവാഹിനി കപ്പലുകൾ എന്നിവയുൾപ്പെടെയുള്ള വൻ സന്നാഹമാണ് അണിനിരത്തിയിരിക്കുന്നത്. ഇറാനിലെ മിസൈൽ കേന്ദ്രങ്ങൾക്കും നാവിക താവളങ്ങൾക്കും പുറമെ ഭരണകൂടത്തിന്റെ നിർണ്ണായക കേന്ദ്രങ്ങളെയും ലക്ഷ്യം വെച്ചാണ് ആക്രമണം നടക്കുന്നത്.
ബി-2 സ്റ്റെൽത്ത് ബോംബറുകൾ ഉപയോഗിച്ച് നടത്തിയ ‘ഓപ്പറേഷൻ മിഡ്നൈറ്റ് ഹാമർ’ ഇറാന്റെ ആണവ കേന്ദ്രങ്ങളെ തകർത്തെങ്കിൽ, എപ്പിക് ഫ്യൂറിയിലൂടെ ഇറാന്റെ മൊത്തത്തിലുള്ള സൈനിക ശേഷിയെ ഇല്ലാതാക്കാനാണ് അമേരിക്ക ലക്ഷ്യമിടുന്നത്. ലൂക്കാസ് ഡ്രോണുകൾ, ടോമാഹോക്ക് ക്രൂയിസ് മിസൈലുകൾ, എഫ്-35 സ്റ്റെൽത്ത് യുദ്ധവിമാനങ്ങൾ എന്നിവ ഈ ദൗത്യത്തിൽ പ്രധാന പങ്ക് വഹിക്കുന്നു.
വ്യോമസേനയും യുദ്ധവിമാനങ്ങളും
- B-2 സ്റ്റെൽത്ത് ബോംബറുകൾ: ലോകത്തിലെ ഏറ്റവും വിനാശകാരിയായ ബോംബർ വിമാനങ്ങൾ.
- F-35 & F-22 സ്റ്റെൽത്ത് ഫൈറ്ററുകൾ: ശത്രുവിന്റെ റഡാറുകളിൽ പെടാത്ത അത്യാധുനിക വിമാനങ്ങൾ.
- F-18, F-16 ഫൈറ്ററുകൾ: പ്രധാന ആക്രമണങ്ങൾക്കും പ്രതിരോധത്തിനുമായി ഉപയോഗിക്കുന്നു.
- A-10 അറ്റാക്ക് ജെറ്റുകൾ: കരസേനയ്ക്ക് പിന്തുണ നൽകുന്ന കരുത്തുറ്റ വിമാനങ്ങൾ.
- EA-18G ഇലക്ട്രോണിക് അറ്റാക്ക് എയർക്രാഫ്റ്റ്: ശത്രുവിന്റെ ആശയവിനിമയ സംവിധാനങ്ങൾ തകർക്കാൻ.
ഡ്രോണുകളും മിസൈലുകളും
- ലൂക്കാസ് (Lucas) ഡ്രോണുകൾ: അമേരിക്കയുടെ പുതിയ ‘ആത്മഹത്യാ’ ഡ്രോണുകൾ.
MQ-9 റീപ്പറുകൾ: നിരീക്ഷണത്തിനും കൃത്യമായ ലക്ഷ്യങ്ങളിൽ ആക്രമണം നടത്താനും. - ടോമാഹോക്ക് ക്രൂയിസ് മിസൈലുകൾ: കപ്പലുകളിൽ നിന്നും അന്തർവാഹിനികളിൽ നിന്നും തൊടുക്കാവുന്നവ.
- HIMARS: ദീർഘദൂര റോക്കറ്റ് വിക്ഷേപണ സംവിധാനം.
പ്രതിരോധ സംവിധാനങ്ങൾ
- പാട്രിയറ്റ് മിസൈൽ സിസ്റ്റം: വരുന്ന മിസൈലുകളെ ആകാശത്തുവെച്ച് തകർക്കാൻ.
- THAAD ആന്റി-ബാലിസ്റ്റിക് സിസ്റ്റം: ബാലിസ്റ്റിക് മിസൈലുകളെ പ്രതിരോധിക്കുന്ന ലോകത്തിലെ മികച്ച സംവിധാനം.
നാവികസേനയും മറ്റ് പിന്തുണകളും
- ആണവോർജ്ജ വിമാനവാഹിനി കപ്പലുകൾ: യുഎസ്എസ് ജെറാൾഡ് ആർ. ഫോർഡ് (USS Gerald R. Ford) ഇതിൽ ഉൾപ്പെടുന്നു.
- ഗൈഡഡ് മിസൈൽ ഡിസ്ട്രോയറുകൾ: സമുദ്രത്തിൽ നിന്നുള്ള ആക്രമണങ്ങൾക്ക് നേതൃത്വം നൽകുന്നു.
- P-8 മാരിടൈം പട്രോൾ വിമാനം: കടലിലെ നിരീക്ഷണത്തിനും അന്തർവാഹിനികളെ വേട്ടയാടാനും.
- C-17 & C-130 കാർഗോ വിമാനങ്ങൾ: ആയുധങ്ങളും സൈനികരെയും എത്തിക്കുന്നതിനായി.
